വി​മാ​ന ടി​ക്ക​റ്റ് നി​ര​ക്ക്; പ്ര​വാ​സി​ക​ൾ​ക്ക് ഇ​രു​ട്ട​ടി​ത​ന്നെ

കു​വൈ​ത്ത് സി​റ്റി: പ്ര​വാ​സി​ക​ളെ കൊ​ള്ള​യ​ടി​ച്ച് കു​തി​ച്ചു​യ​രു​ന്ന വി​മാ​ന​ടി​ക്ക​റ്റ് നി​ര​ക്ക് വ​ർ​ധ​ന​യി​ൽ ഇ​ട​പെ​ടി​ല്ലെ​ന്ന് കേ​ന്ദ്ര​സ​ർ​ക്കാ​ർ ആ​വ​ർ​ത്തി​ച്ച​തോ​ടെ ഇ​രു​ട്ട​ടി​യേ​റ്റ് മ​ല​യാ​ളി​ക​ൾ ഉ​ൾ​പ്പെ​ടെ​യു​ള്ള യാ​ത്ര​ക്കാ​ർ. ക​ഴി​ഞ്ഞ​ദി​വ​സം ലോ​ക്സ​ഭ​യി​ൽ എ.​എം. ആ​രി​ഫ് എം.​പി​യു​ടെ ചോ​ദ്യ​ത്തി​ന് മ​റു​പ​ടി​യാ​യി കേ​ന്ദ്ര വ്യോ​മ​യാ​ന സ​ഹ​മ​ന്ത്രി ജ​ന​റ​ൽ ഡോ. ​വി.​കെ. സി​ങ്ങാ​ണ് കേ​ന്ദ്ര​സ​ർ​ക്കാ​റി​​ന്റെ നി​ല​പാ​ട് വ്യ​ക്ത​മാ​ക്കി​യ​ത്.

ഗ​ൾ​ഫ് മേ​ഖ​ല​യി​ൽ​നി​ന്ന് കേ​ര​ളം ഉ​ൾ​പ്പെ​ടെ സം​സ്ഥാ​ന​ങ്ങ​ളി​ലേ​ക്കും തി​രി​കെ​യും അ​നി​യ​ന്ത്രി​ത​മാ​യ വി​മാ​ന​യാ​ത്ര​നി​ര​ക്ക് വ​ർ​ധ​ന നി​യ​ന്ത്രി​ക്കാ​ൻ കേ​ന്ദ്ര​സ​ർ​ക്കാ​ർ ഇ​ട​പെ​ട​ണ​മെ​ന്ന് ആ​വ​ശ്യ​പ്പെ​ട്ട് കേ​ര​ള​സ​ർ​ക്കാ​റി​ന്റെ​യും എം.​പി​മാ​രു​ടെ​യും നി​വേ​ദ​നം ല​ഭി​ച്ചി​ട്ടു​ണ്ടെ​ന്നും എ​ന്നാ​ൽ, എ​യ​ർ​ലൈ​ൻ​സു​ക​ൾ​ക്ക് ഇ​ഷ്ട​പ്ര​കാ​രം യാ​ത്രാ​നി​ര​ക്ക് തീ​രു​മാ​നി​ക്കാ​ൻ ക​ഴി​യു​ന്ന​തി​നാ​ൽ കേ​ന്ദ്ര​സ​ർ​ക്കാ​റി​ന് വി​ഷ​യ​ത്തി​ൽ ഇ​ട​പെ​ടാ​ൻ ക​ഴി​യി​ല്ലെ​ന്നു​മാ​ണ് ഡോ. ​വി.​കെ. സി​ങ് ലോ​ക്സ​ഭ​യി​ൽ ന​ൽ​കി​യ മ​റു​പ​ടി.

വി​മാ​ന​ടി​ക്ക​റ്റ് നി​ര​ക്ക് വ​ർ​ധ​ന​യി​ൽ ഇ​ട​പെ​ടാ​ൻ ക​ഴി​യി​ല്ലെ​ന്ന് വ്യോ​മ​യാ​ന​മ​ന്ത്രി ജ്യോ​തി​രാ​ദി​ത്യ സി​ന്ധ്യ നേ​ര​ത്തെ വ്യ​ക്ത​മാ​ക്കി​യി​രു​ന്നു. വി​മാ​ന​ക്ക​മ്പ​നി​ക​ൾ നീ​തീ​ക​ര​ണ​മി​ല്ലാ​ത്ത നി​ര​ക്ക് ഈ​ടാ​ക്കു​ന്ന​ത് സം​ബ​ന്ധി​ച്ച് അ​ടൂ​ർ പ്ര​കാ​ശ് എം.​പി ന​ൽ​കി​യ ക​ത്തി​ന് മ​റു​പ​ടി ആ​യാ​ണ് ജ്യോ​തി​രാ​ദി​ത്യ സി​ന്ധ്യ ഇ​ക്കാ​ര്യം വ്യ​ക്ത​മാ​ക്കി​യ​ത്.

കേ​ര​ള​ത്തി​ലേ​ക്കു​ള്ള വി​മാ​ന​നി​ര​ക്കു​ക​ൾ കു​തി​ച്ചു​യ​രു​ന്ന സാ​ഹ​ച​ര്യ​ത്തി​ൽ അ​ടി​യ​ന്ത​ര ഇ​ട​പെ​ട​ൽ ആ​വ​ശ്യ​പ്പെ​ട്ട് കേ​ര​ള മു​ഖ്യ​മ​ന്ത്രി പി​ണ​റാ​യി വി​ജ​യ​നും കേ​ന്ദ്ര വ്യോ​മ​യാ​ന മ​ന്ത്രി ജ്യോ​തി​രാ​ദി​ത്യ സി​ന്ധ്യ​ക്ക് ക​ത്ത​യ​ച്ചി​രു​ന്നു.

ഗ​ൾ​ഫ് രാ​ജ്യ​ങ്ങ​ളി​ൽ വേ​ന​ൽ​ക്കാ​ല​വും സ്കൂ​ളു​ക​ൾ​ക്ക് അ​വ​ധി​യു​മെ​ത്തു​മ്പോ​ൾ ജൂ​ൺ, ജൂ​ലൈ മാ​സ​ങ്ങ​ളി​ൽ നി​ര​വ​ധി പ്ര​വാ​സി​ക​ളാ​ണ് കു​ടും​ബ​സ​മേ​തം നാ​ട്ടി​ലേ​ക്ക് യാ​ത്ര​ചെ​യ്യു​ന്ന​ത്. ആ​ഗ​സ്റ്റ് അ​വ​സാ​നം ഓ​ണം ആ​ഘോ​ഷി​ക്കു​ന്ന​തി​നും നാ​ട്ടി​ലേ​ക്ക് യാ​ത്ര ചെ​യ്യു​ന്ന​വ​രു​ടെ എ​ണ്ണം വ​ർ​ധി​ക്കും. പെ​രു​ന്നാ​ൾ, ക്രി​സ്മ​സ് ആ​ഘോ​ഷ​ങ്ങ​ൾ​ക്കു​മു​മ്പും നാ​ട്ടി​ലേ​ക്ക് തി​രി​ക്കു​ന്ന​വ​ർ നി​ര​വ​ധി​യാ​ണ്. ഈ ​സ​മ​യ​ങ്ങ​ളി​ലെ​ല്ലാം തീ​വെ​ട്ടി​ക്കൊ​ള്ള​യാ​ണ് വി​മാ​ന​ക്ക​മ്പ​നി​ക​ൾ ന​ട​ത്തു​ന്ന​ത്.

എ​ല്ലാ​വ​രും നാ​ട്ടി​ലെ​ത്തി​യാ​ൽ അ​ങ്ങോ​ട്ടു​ള്ള ടി​ക്ക​റ്റ് നി​ര​ക്ക് കു​റ​ക്കു​ക​യും തി​രി​ച്ചു​ള്ള യാ​ത്ര​യു​ടെ സ​മ​യ​ങ്ങ​ളി​ൽ തി​രി​ച്ചു​ള്ള നി​ര​ക്ക് ഉ​യ​ർ​ത്തു​ക​യും ചെ​യ്യും. സീ​സ​ണി​ൽ ഇ​ര​ട്ടി​യി​ല​ധി​കം ടി​ക്ക​റ്റ് നി​ര​ക്ക് വി​മാ​ന​ക്ക​മ്പ​നി​ക​ൾ ഉ​യ​ർ​ത്താ​റു​ണ്ട്.

വി​ഷ​യ​ത്തി​ൽ ​ഇ​ട​പെ​ടു​ന്ന​തി​ന് സം​സ്ഥാ​ന സ​ർ​ക്കാ​റി​ലും കേ​ര​ള​ത്തി​ൽ​നി​ന്നു​ള്ള എം.​പി​മാ​രി​ലും വി​വി​ധ പ്ര​വാ​സി സം​ഘ​ട​ന​ക​ൾ സ​മ്മ​ർ​ദം​ചെ​ലു​ത്തി​യി​രു​ന്നു. ഇ​തു​പ്ര​കാ​രം മു​ഖ്യ​മ​ന്ത്രി​യു​ടെ​യും നോ​ർ​ക്ക ഉ​ദ്യോ​ഗ​സ്ഥ​രു​ടെ​യും നേ​തൃ​ത്വ​ത്തി​ൽ കേ​ന്ദ്ര വ്യോ​മ​യാ​ന മ​ന്ത്രാ​ല​യ​ത്തി​ന് നി​വേ​ദ​നം ന​ൽ​കു​ക​യും വി​വി​ധ എം.​പി​മാ​ർ മ​ന്ത്രി​മാ​രു​മാ​യി കൂ​ടി​ക്കാ​ഴ്ച ന​ട​ത്തു​ക​യും ചെ​യ്തു​വെ​ങ്കി​ലും ഫ​ല​മി​ല്ലാ​ത്ത അ​വ​സ്ഥ​യാ​ണ്.

ഈ ​മാ​സാ​ദ്യം അ​ടൂ​ർ പ്ര​കാ​ശ് എം.​പി വ്യോ​മ​യാ​ന മ​ന്ത്രി ജ്യോ​തി​രാ​ദി​ത്യ സി​ന്ധ്യ​ക്ക് ക​ത്തെ​ഴു​തി​യെ​ങ്കി​ലും ഇ​ട​പെ​ടാ​ൻ ക​ഴി​യി​ല്ലെ​ന്ന് മ​റു​പ​ടി ന​ൽ​കി. യാ​ത്ര​ക്കാ​രു​ടെ തി​ര​ക്കും വി​മാ​ന ഇ​ന്ധ​ന വി​ല​വ​ർ​ധ​ന​യും കാ​ര​ണ​മാ​ണ് സീ​സ​ണി​ൽ നി​ര​ക്ക് കൂ​ടു​ന്ന​തെ​ന്നാ​യി​രു​ന്നു അ​ടൂ​ർ പ്ര​കാ​ശി​ന് മ​ന്ത്രി ന​ൽ​കി​യ മ​റു​പ​ടി.

പ്ര​വാ​സി​ക​ൾ​ക്ക് ഉ​ത്സ​വ സീ​സ​ണു​ക​ളി​ലും അ​വ​ധി​ക്കാ​ല​ത്തും നാ​ട്ടി​ലെ​ത്താ​ൻ ന്യാ​യ​മാ​യ വി​മാ​ന നി​ര​ക്കി​ൽ ചാ​ർ​ട്ടേ​ഡ് ഫ്ലൈ​റ്റു​ക​ളൊ​രു​ക്കാ​ൻ അ​നു​മ​തി​തേ​ടി​യും ഇ​ക്കാ​ര്യ​ത്തി​ൽ വ്യോ​മ​യാ​ന മ​ന്ത്രാ​ല​യ​ത്തി​ന് നി​ർ​ദേ​ശം ന​ൽ​ക​ണ​മെ​ന്നാ​വ​ശ്യ​പ്പെ​ട്ടും കേ​ര​ള മു​ഖ്യ​മ​ന്ത്രി പി​ണ​റാ​യി വി​ജ​യ​ൻ പ്ര​ധാ​ന​മ​ന്ത്രി​ക്ക് ക​ത്ത​യ​ച്ചി​രു​ന്നു. ഏ​പ്രി​ൽ ര​ണ്ടാം വാ​രം മു​ത​ൽ അ​ഡീ​ഷ​ന​ൽ, ചാ​ർ​ട്ടേ​ഡ് ഫ്ലൈ​റ്റു​ക​ൾ ഒ​രു​ക്കു​ക​യാ​ണ് ല​ക്ഷ്യ​മെ​ന്ന് മു​ഖ്യ​മ​ന്ത്രി ചൂ​ണ്ടി​ക്കാ​ട്ടി​യി​രു​ന്നു. ഇ​തി​ലും അ​നു​കൂ​ല​മാ​യ ന​ട​പ​ടി​യു​ണ്ടാ​യി​ല്ല.