ഐനുൽ ഹുദാ മദ്റസ വാർഷികം: ബ്രോഷർ പ്രകാശനം ചെയ്തു

മനാമ: 'അൽ ഇഹ്സാൻ 22' എന്ന ശീർഷകത്തിൽ ഒക്ടോബർ 21ന് നടത്തുന്ന ഐനുൽ ഹുദാ മദ്റസ വാർഷിക നബിദിനാഘോഷത്തോടനുബന്ധിച്ച് എസ്.വൈ.എസ് സംസ്ഥാന സെക്രട്ടറി അബ്ദുസ്സമദ് പൂക്കോട്ടൂരിന്റെ പ്രഭാഷണ പരിപാടിയുടെ ബ്രോഷർ പ്രകാശനം ചെയ്തു.

പ്രസിഡന്‍റ് അഷ്റഫ് ബാങ്ക് റോഡിന്റെ അധ്യക്ഷതയിൽ കെ.എം.സി.സി സംസ്ഥാന ആക്ടിങ് പ്രസിഡന്‍റ് എ.പി. ഫൈസൽ ഉദ്ഘാനം ചെയ്തു. എൻ.കെ. അബ്ദുൽ കരിം മാസ്റ്റർ വിഷയം അവതരിപ്പിച്ചു. സംസ്ഥാന സെക്രട്ടറിമാരായ റഫീക്ക് തോട്ടക്കര, ഷരിഫ് വില്യാപ്പള്ളി എന്നിവർ സംസാരിച്ചു. ഹമീദ് അയനിക്കാട്, കരിം കുളമുള്ളതിൽ, കരുവാണ്ടി മുസ്തഫ, ഇസ്മായിൽ എലത്തൂർ, എസ്.കെ. നാസർ, സിറാജ്, ശറഫുദ്ദീൻ മൂടാടി എന്നിവർ നേതൃത്വം നൽകി. സെക്രട്ടറി റഷീദ് സ്വാഗതവും ഇബ്രാഹിം തിക്കോടി നന്ദിയും പറഞ്ഞു.