60 വയസ്സ്​ പ്രായപരിധി: കുവൈത്തിൽ ചില വിഭാഗങ്ങൾക്ക്​ ഇളവ്​ നൽകിയേക്കും

കുവൈത്ത്​ സിറ്റി: 60 വയസ്സിന്​ മുകളിൽ പ്രായമുള്ള ബിരുദമില്ലാത്തവർക്ക്​ അടുത്ത വർഷം മുതൽ വിസ പുതുക്കിനൽകേണ്ടെന്ന തീരുമാനത്തി​െൻറഅടിസ്ഥാനത്തിൽ അധികൃതർ ഇൗ വിഭാഗത്തിൽ ഉൾപ്പെടുന്നവരുടെ വിവരം ശേഖരിക്കുന്നു. അതിനിടെ ചില വിഭാഗങ്ങൾക്ക്​ ഇളവ്​ നൽകണമെന്നാവശ്യപ്പെട്ട്​കുവൈത്തി സംരംഭകർ അധികൃതരെ സമീപിച്ചിട്ടുണ്ട്​. ചില വിഭാഗങ്ങൾക്ക്​ ഇളവുണ്ടാവുമെന്നും തീരുമാനം പ്രാബല്യത്തിലാവുന്നതിന്​ മുമ്പായി ഇത്​പ്രഖ്യാപിക്കുമെന്നും ഉന്നതവൃത്തങ്ങളെ ഉദ്ധരിച്ച്​ പ്രാദേശിക പത്രം റിപ്പോർട്ട്​ ചെയ്​തു.

കുടുംബം ഇവിടെയുള്ളവർക്ക്​ കുടുംബ വിസയിലേക്ക്​ മാറാൻഅനുവദിക്കുമെന്നാണ്​ റിപ്പോർട്ട്​. തൊഴിലെടുക്കില്ലെന്ന നിബന്ധനയോടെയാവും ഇത്​ അനുവദിക്കുക. ഇവിടെ ജോലി ചെയ്യുന്ന വിദേശികൾക്ക്​ രക്ഷിതാക്കളെനിർബന്ധിതാവസ്ഥയിൽ നാട്ടിലയക്കേണ്ടി വരുന്ന സാഹചര്യം ഒഴിവാക്കി നൽകുക മാനുഷിക പരിഗണനയുടെ അടിസ്ഥാനത്തിലാണ്​. ബിരുദ വിദ്യാഭ്യാസമില്ലാത്ത 60 വയസ്സിന്​ മുകളിൽ പ്രായമുള്ളവർക്ക്​ നിലവിൽ ഒരു വർഷത്തേക്ക്​ മാത്രം വിസ പുതുക്കുനൽകും. 2021 ജനുവരി മുതൽ വിസ പുതുക്കിനൽകില്ല. പരമാവധി 2021 അവസാനത്തിന്​ മുമ്പായി ഇവർക്ക്​ കുവൈത്ത്​ വിടേണ്ടി വരും. ജനസംഖ്യാ സന്തുലനം സാധ്യമാക്കാനും അവിദഗ്​ധ തൊഴിലാളികളുടെ ആധിക്യം കുറക്കാനുമാണ്​ കുവൈത്ത്​ ഇത്തരം ശക്​തമായ നടപടികൾ സ്വീകരിക്കുന്നത്​.