എ.എഫ്.സി ഫുട്സാൽ ഏഷ്യൻ കപ്പ്: കുവൈത്ത് ഇന്ന് അവസാന ഗ്രൂപ്പ് മൽസരിത്തിനിറങ്ങും

കു​വൈ​ത്ത് സി​റ്റി: സ്വ​ന്തം നാ​ട്ടി​ൽ ന​ട​ക്കു​ന്ന എ.​എ​ഫ്.​സി ഫു​ട്സാ​ൽ ഏ​ഷ്യ​ൻ ക​പ്പി​ൽ കി​രീ​ടം ല​ക്ഷ്യ​മി​ട്ട് പൊ​രു​തു​ന്ന കു​വൈ​ത്ത് ഇ​ന്ന് അ​വ​സാ​ന ഗ്രൂ​പ് മ​ത്സ​ര​ത്തി​നി​റ​ങ്ങും. അ​യ​ൽ​ക്കാ​രാ​യ ഇ​റാ​ഖാ​ണ് എ​തി​രാ​ളി​ക​ൾ.

വ്യാ​ഴാ​ഴ്ച താ​യ്‍ല​ൻ​ഡു​മാ​യു​ള്ള മ​ത്സ​രം സ​മ​നി​ല​യി​ൽ അ​വ​സാ​നി​ച്ച​തോ​ടെ ഇ​ന്ന​ത്തെ മ​ത്സ​രം നി​ർ​ണാ​യ​ക​മാ​ണ്. വി​ജ​യ​മോ സ​മ​നി​ല​യോ ക​ണ്ടെ​ത്താ​നാ​യാ​ൽ കു​വെ​ത്തി​ന് അ​ടു​ത്ത റൗ​ണ്ടി​ലേ​ക്ക് പ്ര​വേ​ശി​ക്കാ​നാ​കും. കു​വൈ​ത്ത് ഉ​ൾ​പ്പെ​ടു​ന്ന ഗ്രൂ​പ്പ് എ ​യി​ൽ നാ​ല് പോ​യ​ന്റോ​ടെ നി​ല​വി​ൽ കു​വൈ​ത്താ​ണ് ഒ​ന്നാ​മ​ത്. താ​യ്‍ല​ൻ​ഡി​നും നാ​ല് പോ​യ​ന്റു​ണ്ട്. ഇ​റാ​ഖി​ന് മൂ​ന്ന് പോ​യ​ന്റു മ​റ്റൊ​രു ടീ​മാ​യ ഒ​മാ​ന് പൂ​ജ്യം പോ​യ​ന്റു​മാ​ണു​ള്ള​ത്.

ആ​ദ്യ ക​ളി​യി​ൽ ഒ​മാ​നെ 7-2 എ​ന്ന വ​ൻ മാ​ർ​ജി​നി​ൽ തോ​ൽ​പ്പി​ച്ച കു​വൈ​ത്തി​ന് ര​ണ്ടാം മ​ത്സ​ര​ത്തി​ൽ അ​​തേ മി​ക​വ് പു​റ​ത്തെ​ടു​ക്കാ​നാ​യി​ല്ല.

ആ​വേ​ശ​ക​ര​മാ​യ മ​ത്സ​ര​ത്തി​ൽ 2-2 എ​ന്ന സ്കോ​റി​ൽ മ​ത്സ​രം സ​മ​നി​ല​യി​ൽ അ​വ​സാ​നി​ക്കു​ക​യാ​യി​രു​ന്നു. സാ​ദ് അ​ൽ അ​ബ്ദു​ല്ല ഗ്രൗ​ണ്ടി​ൽ സ്വ​ന്തം കാ​ണി​ക​ൾ​ക്ക് മു​ന്നി​ൽ വി​ജ​യ​ത്തി​നാ​യി പൊ​രു​തി​യെ​ങ്കി​ലും ര​ണ്ട് ഗോ​ളു​ക​ൾ​ക്ക​പ്പു​റം സ്കോ​ർ ചെ​യ്യാ​നാ​യി​ല്ല. താ​യ്‍ലാ​ൻ​ഡ് പു​റ​ത്തെ​ടു​ത്ത ഉ​ജ്വ​ല പ്ര​തി​രോ​ധ​മാ​ണ് കു​വൈ​ത്തി​ന് പ​ല​പ്പോ​ഴും വി​ല​ങ്ങു​ത​ടി​യാ​യ​ത്.