കുവൈത്തിൽ പിഴ അടക്കാതെ മുങ്ങാൻ നിൽക്കേണ്ട; പണി കിട്ടും

കു​വൈ​ത്ത്​ സി​റ്റി: ഗ​താ​ഗ​ത നി​യ​മ​ലം​ഘ​ന​ത്തി​നു​ള്ള പി​ഴ അ​ട​ക്കാ​തെ മുങ്ങുന്നവർക്ക്​ പൂട്ടിടാൻ കുവൈത്ത്​ ആ​ഭ്യ​ന്ത​ര മ​ന്ത്രാ​ല​യം. പിഴയടക്കാത്ത വി​ദേ​ശി​ക​ൾ​ക്ക്​ യാ​ത്ര​വി​ല​ക്ക്​ ഏ​ർ​പ്പെ​ടു​ത്താ​നാണ്​ ആ​ലോ​ച​ന. പി​ഴ​യി​ന​ത്തി​ൽ സ​ർ​ക്കാ​റി​ന്​ 15 ല​ക്ഷത്തിലധികം ദീ​നാർ ല​ഭി​ക്കാ​നു​ള്ള​ സാഹചര്യത്തിലാണ്​ ഈ നീക്കം.

കു​വൈ​ത്ത്​ ഒ​ഴി​കെ ഗ​ൾ​ഫ്​ നാ​ടു​ക​ളി​ൽ ഇ​ത്ത​ര​ത്തി​ൽ പ​രി​ഷ്​​ക​ര​ണം ന​ട​ത്തി​യ​താ​യും കു​വൈ​ത്തും ന​ട​പ്പാ​ക്ക​ണ​മെ​ന്നും ആ​ഭ്യ​ന്ത​ര മ​ന്ത്രാ​ല​യ​ത്തി​ൽ സ​മ​ർ​പ്പി​ക്ക​പ്പെ​ട്ട നി​ർ​ദേ​ശ​ത്തി​ൽ പ​റ​യു​ന്നു. പി​ഴ അ​ട​ക്കാ​ത്ത സ്വ​ദേ​ശി​ക​ൾ​ക്കും വി​ദേ​ശി​ക​ൾ​ക്കും മ​റ്റു മ​ന്ത്രാ​ല​യ​ങ്ങ​ളി​ലും സ​ർ​ക്കാ​ർ വ​കു​പ്പു​ക​ളി​ലും നി​ന്നു​ള്ള സേ​വ​ന​ങ്ങ​ൾ നി​ർ​ത്തി​വെ​ക്കു​ന്ന​തും പ​രി​ഗ​ണി​ക്കു​ന്ന​താ​യി ഉ​ന്ന​ത​വൃ​ത്ത​ങ്ങ​ളെ ഉ​ദ്ധ​രി​ച്ച്​ പ്രാ​ദേ​ശി​ക പ​ത്രം റി​പ്പോ​ർ​ട്ട്​ ചെ​യ്​​തു.

ഗ​താ​ഗ​ത വ​കു​പ്പാ​ണ്​ ആ​ഭ്യ​ന്ത​ര മ​ന്ത്രി ശൈ​ഖ്​ താ​മി​ർ അ​ൽ അ​ലി അ​സ്സ​ബാ​ഹി​ന്​ നി​ർ​ദേ​ശം സ​മ​ർ​പ്പി​ച്ച​ത്. ചെ​റു​തും വ​ലു​തു​മാ​യ നി​യ​മ​ലം​ഘ​ന​ങ്ങ​ൾ വ​രു​ത്തി​യ​തി​ന് മു​നി​സി​പ്പ​ൽ–​ആ​ഭ്യ​ന്ത​ര വ​കു​പ്പു​ക​ൾ​ക്ക് ന​ൽ​കേ​ണ്ട പി​ഴ​യാ​ണ് കു​ടി​ശ്ശി​ക​യാ​യ​ത്. വി​ദേ​ശി​ക​ൾ പി​ഴ​യ​ട​ക്കാ​തെ നാ​ടു​വി​ട്ട വ​ക​യി​ൽ സ​ർ​ക്കാ​റി​ന്​ ല​ക്ഷ​ക്ക​ണ​ക്കി​ന്​ ദീ​നാ​റി​െൻറ ന​ഷ്​​ടം സം​ഭ​വി​ച്ച​താ​യി ഒാ​ഡി​റ്റ്​ ബ്യൂ​റോ റി​പ്പോ​ർ​ട്ടു​ണ്ടാ​യി​രു​ന്നു.

പി​ഴ അ​ട​ക്കാ​ത്ത​തി​ന് 40,000 വി​ദേ​ശി​ക​ൾ​ക്കെ​തി​രെ കോ​ട​തി​യി​ൽ കേ​സു​ക​ൾ ഫ​യ​ൽ ചെ​യ്തി​രു​ന്നെ​ങ്കി​ലും ഇ​വ​രി​ൽ ഭൂ​രി​പ​ക്ഷ​വും നാ​ടു​വി​ടു​ക​യാ​യി​രു​ന്നു. വ​ലി​യ സം​ഖ്യ അ​ട​ക്കേ​ണ്ട​വ​രാ​ണ് നാ​ടു​വി​ട്ട​ത്. ഇ​ത്ത​രം ആ​ളു​ക​ൾ​ക്ക് നാ​ടു​വി​ടാ​ൻ സൗ​ക​ര്യം ചെ​യ്തു​കൊ​ടു​ത്ത​വ​രെ ക​ണ്ടെ​ത്ത​ണ​മെ​ന്ന ആ​വ​ശ്യ​വും ഉ​യ​ർ​ന്നി​ട്ടു​ണ്ട്. ന​ഷ്​​ട​പ്പെ​ട്ട സം​ഖ്യ വ​സൂ​ലാ​ക്കാ​നാ​വ​ശ്യ​മാ​യ തു​ട​ർ​ന​ട​പ​ടി​ക​ൾ നീ​തി​ന്യാ​യ മ​ന്ത്രാ​ല​യ​ത്തി​െൻറ ഭാ​ഗ​ത്തു​നി​ന്നു​ണ്ടാ​ക​ണ​മെ​ന്നും ഓ​ഡി​റ്റ​ർ ജ​ന​റ​ൽ ആ​വ​ശ്യ​പ്പെ​ട്ടി​രു​ന്നു.

നി​യ​മ​ലം​ഘ​ക​രെ തി​രി​ച്ച​റി​യാ​നു​ള്ള ഒാ​േ​ട്ടാ​മേ​ഷ​ൻ സം​വി​ധാ​ന​ത്തി​ലെ കാ​ര്യ​ക്ഷ​മ​ത​യി​ല്ലാ​യ്​​മ​യാ​ണ്​ പി​ഴ​ക്കു​ടി​ശ്ശി​ക വ​രാ​ൻ കാ​ര​ണ​മെ​ന്ന്​ ഒാ​ഡി​റ്റ്​ ബ്യൂ​റോ റി​പ്പോ​ർ​ട്ടി​ൽ കു​റ്റ​പ്പെ​ടു​ത്തു​ന്നു.