തൊ​ഴി​ലാ​ളി​ക​ൾ​ക്ക് ശ​മ്പ​ളം ന​ൽ​കാ​ത്ത ക​മ്പ​നി​ക​ൾ​ക്കെ​തി​രെ ന​ട​പ​ടി

കു​വൈ​ത്ത് സി​റ്റി: തൊ​ഴി​ലാ​ളി​ക​ൾ​ക്ക് ശ​മ്പ​ളം ന​ൽ​കാ​ത്ത​തി​ന് നി​ര​വ​ധി സ്വ​കാ​ര്യ ക​മ്പ​നി​ക​ളു​ടെ ഫ​യ​ലു​ക​ൾ പ​ബ്ലി​ക് അ​തോ​റി​റ്റി ഫോ​ർ മാ​ൻ​പ​വ​ർ താ​ൽ​ക്കാ​ലി​ക​മാ​യി സ​സ്‌​പെ​ൻ​ഡ് ചെ​യ്തു. ആ​ഭ്യ​ന്ത​ര മ​ന്ത്രി ശൈ​ഖ് ഫ​ഹ​ദ് അ​ൽ സ​ഊ​ദ് യൂ​സു​ഫി​ന്റെ നി​ർ​ദേ​ശ​ത്തെ തു​ട​ർ​ന്നാ​ണ് ന​ട​പ​ടി.

ഇ​തോ​ടെ ക​മ്പ​നി​ക​ൾ​ക്ക് പു​തി​യ ജീ​വ​ന​ക്കാ​രെ നി​യ​മി​ക്കാ​നോ, പു​തി​യ തൊ​ഴി​ൽ വി​സ​ക​ൾ കൈ​കാ​ര്യം ചെ​യ്യാ​നോ ക​ഴി​യി​ല്ല. എ​ന്നാ​ല്‍ നി​ല​വി​ലു​ള്ള തൊ​ഴി​ലാ​ളി​ക​ളു​ടെ വി​സ പു​തു​ക്ക​ലി​നോ സ്ഥാ​പ​ന​മാ​റ്റ​ത്തി​നോ ത​ട​സ്സ​മി​ല്ലെ​ന്ന് അ​ധി​കൃ​ത​ർ അ​റി​യി​ച്ചു. തൊ​ഴി​ലാ​ളി​ക​ളു​ടെ അ​വ​കാ​ശ​ങ്ങ​ൾ സം​ര​ക്ഷി​ക്കാ​നും മ​നു​ഷ്യാ​വ​കാ​ശ മാ​ന​ദ​ണ്ഡ​ങ്ങ​ൾ പാ​ലി​ക്ക​ലു​മാ​ണ് ന​ട​പ​ടി വ​ഴി ല​ക്ഷ്യ​മി​ടു​ന്ന​ത്.

ശ​മ്പ​ളം ‘ആ​ഷ​ൽ’ പോ​ർ​ട്ട​ലി​ലൂ​ടെ​യാ​ണ് രേ​ഖ​പ്പെ​ടു​ത്തേ​ണ്ട​തെ​ന്ന് അ​തോ​റി​റ്റി നി​ർ​ദേ​ശി​ച്ചു. വേ​ത​ന ബാ​ധ്യ​ത​ക​ൾ തീ​ർ​ക്കു​ന്ന സ്ഥാ​പ​ന​ങ്ങ​ൾ​ക്ക് ഫ​യ​ൽ സ​സ്‌​പെ​ൻ​ഷ​ൻ സ്വ​മേ​ധ​യാ പി​ൻ​വ​ലി​ക്കും. നി​യ​മ​ലം​ഘ​ക​ർ​ക്കെ​തി​രെ ക​ർ​ശ​ന ന​ട​പ​ടി​യു​ണ്ടാ​കു​മെ​ന്നും അ​തോ​റി​റ്റി മു​ന്ന​റി​യി​പ്പ് ന​ൽ​കി