അമിത വേഗത്തില്‍  വാഹനമോടിച്ച് അപകടം:  മലയാളി മരിച്ചു

കുവൈത്ത് സിറ്റി: അമിത വേഗത്തില്‍ ഓടിച്ച വാഹനം അപകടത്തില്‍പെട്ട് മലയാളി മരിച്ചു. തിരുവനന്തപുരം വെട്ടുതുറ സ്വദേശി പ്രകാശ് (38) ആണ് മരിച്ചത്. ജഹ്റക്കടുത്താണ് അപകടം. രണ്ട് മലയാളികള്‍ക്ക് ഗുരുതരമായി പരിക്കേറ്റു. അമിത വേഗത്തില്‍ വാഹനമോടിക്കുകയും വേഗം സംബന്ധിച്ച് സംസാരിക്കുകയും ചെയ്യുന്ന വിഡിയോ ഇവര്‍ അപകടത്തിന് അല്‍പസമയം മുമ്പ് ഫേസ്ബുക്ക് ലൈവില്‍ ഇട്ടിരുന്നു.