തീ​ക്കാ​റ്റി​ൽ വാ​ടി​ത്ത​ള​ർ​ന്ന്​ ആ​ടു​ജീ​വി​ത​ങ്ങ​ൾ സ​ഹി​ക്കാ​ൻ ക​ഴി​യു​ന്ന​ത​ല്ല

കു​വൈ​ത്ത്​ സി​റ്റി: ഉ​പ​ജീ​വ​ന​ത്തി​നാ​യു​ള്ള മേ​ച്ചി​ൽ പു​റ​ങ്ങ​ൾ തേ​ടി​യാ​ണ് പ​ല​രും പ്ര​വാ​സി​ക​ളാ​കു​ന്ന​ത്. മ​രു​ഭൂ​മി​യി​ലേ​ക്കു​ള്ള പ​റി​ച്ചു​ന​ട​ൽ ചി​ല​ർ​ക്ക് ത​ഴ​ച്ചു​വ​ള​രാ​നു​ള്ള അ​വ​സ​ര​മാ​ണ്. മ​റ്റു ചി​ല​ർ​ക്ക് വാ​ടി​ത്ത​ള​രാ​നു​ള്ള നി​മി​ത്ത​വും. അ​ങ്ങ​നെ വാ​ടി​ത്ത​ള​ർ​ന്ന ഒ​രു വി​ഭാ​ഗ​മാ​ണ്​ ആ​ടു​മേ​​ക്കു​ന്ന​വ​ർ. ക​ണ്ണെ​ത്താ ദൂ​ര​ത്തോ​ളം പ​റ​ന്നു​കി​ട​ക്കു​ന്ന മ​ണ​ൽ​പ്പ​ര​പ്പി​ൽ അ​ങ്ങി​ങ്ങാ​യി കൊ​ച്ചു കൊ​ച്ചു കൂ​ടാ​ര​ങ്ങ​ൾ. കു​റെ ആ​ട്ടി​ൻ പ​റ്റ​ങ്ങ​ളെ​യും കാ​വ​ൽ നാ​യ്ക്ക​െ​ള​യും ഓ​രോ ത​മ്പി​നോ​ടും ചേ​ർ​ന്നു​കാ​ണാം. ഒ​പ്പം ക​രു​വാ​ളി​ച്ച മു​ഖ​വും ദൈ​ന്യ​ത മു​റ്റി​യ മി​ഴി​ക​ളു​മാ​യി കു​റെ മ​നു​ഷ്യ​ക്കോ​ല​ങ്ങ​ളും.

ചു​ട്ടു​പോ​ള്ളു​ന്ന വേ​ന​ലി​ലും മ​രം കോ​ച്ചു​ന്ന ത​ണു​പ്പി​ലും ഇ​വി​ടെ കാ​ഴ്ച​ക​ൾ മാ​റു​ന്നി​ല്ല. ടീ ​ബോ​യ്, ഹെ​ൽ​പ​ർ, പു​ല്ലു​ന​ന​ക്ക​ൽ, അ​റ​ബി വീ​ട്ടി​ലെ ഡ്രൈ​വ​ർ തു​ട​ങ്ങി പ​ല​വി​ധ ജോ​ലി​ക്കെ​ന്ന്​ പ​റ​ഞ്ഞാ​ണ് ഏ​ജ​ൻ​റു​മാ​ർ പ​ല​രെ​യും ച​തി​ച്ച്​ ഇ​വി​ടെ എ​ത്തി​ക്കു​ന്ന​ത്. വി​മാ​ന​ത്താ​വ​ള​ത്തി​ൽ​നി​ന്ന് സ്പോ​ൺ​സ​ർ നേ​രെ മ​രു​ഭൂ​മി​യി​​ലേ​ക്കു കൊ​ണ്ടു​വ​രു​േ​മ്പാ​ൾ മാ​ത്ര​മാ​ണ്​ പ​ല​രും എ​ത്തി​യ​ത്​ ഭീ​ക​രാ​വ​സ്ഥ​യി​ലേ​ക്കാ​ണെ​ന്ന്​ അ​റി​യു​ന്ന​ത്. കു​റ​ഞ്ഞ ശ​മ്പ​ളം മാ​ത്ര​മാ​ണ്​ ആ​ടു​മേ​ക്കു​ന്ന​വ​ർ​ക്ക്​ ല​ഭി​ക്കു​ന്ന​ത്.
സാ​ധാ​ര​ണ പ്ര​വാ​സി​ക​ൾ താ​മ​സ​ത്തി​നും ഭ​ക്ഷ​ണ​ത്തി​നും ചെ​ല​വാ​ക്കു​ന്ന പ​ണം മാ​ത്ര​മാ​ണ്​ പ​ല​ർ​ക്കും ല​ഭി​ക്കു​ന്ന​ത്.

ക​ടം വാ​ങ്ങി​യ പ​ണം​കൊ​ണ്ട്​ വി​സ സം​ഘ​ടി​പ്പി​ച്ചാ​ണ്​ എ​ത്തി​യ​ത്​ എ​ന്ന​തു​കൊ​ണ്ട്​ ഭൂ​രി​ഭാ​ഗം പേ​ർ​ക്കും പി​ടി​ച്ചു​നി​ൽ​ക്കു​ക​യ​ല്ലാ​തെ വ​ഴി​യി​ല്ല. ചി​ല​ർ സ​ഹി​ക്കാ​ൻ ക​ഴി​യാ​തെ ചാ​ടി ര​ക്ഷ​പ്പെ​ടാ​റു​ണ്ട്. വേ​ന​ൽ​ക്കാ​ല​ത്തെ ഉ​ച്ച വി​ശ്ര​മ നി​യ​മ​ത്തി​​െൻറ ആ​നു​കൂ​ല്യം പോ​ലും ഇ​ട​യ​ന്മാ​ർ​ക്ക്​ അ​റി​ഞ്ഞോ അ​റി​യാ​തെ​യോ നി​ഷേ​ധി​ക്ക​പ്പെ​ടു​ന്നു. നി​ർ​ജ്ജ​ലീ​ക​ര​ണം കാ​ര​ണ​മോ കു​ഴി​ബോം​ബ്​ പൊ​ട്ടി​ത്തെ​റി​ച്ചോ മ​രി​ച്ചു​വീ​ഴു​ന്ന ആ​ടു​ജീ​വി​ത​ങ്ങ​ളു​ടെ ക​ഥ​ക​ൾ അ​ധി​ക​മൊ​ന്നും പു​റ​ത്തു​വ​രാ​റി​ല്ല. പ​റി​ച്ചു​ന​ട്ടി​ട്ടും പ​ച്ച​പി​ടി​ക്കാ​ത്ത പ്ര​വാ​സ​മാ​ണ് ഇ​വ​രു​ടേ​ത്. മ​രു​ഭൂ​മി​യി​ലെ ചു​ടു​കാ​റ്റി​ൽ വാ​ടി നി​റം കെ​ട്ടു​കൊ​ണ്ടി​രി​ക്കു​ക​യാ​ണ് ഇ​വ​രു​ടെ പ്ര​തീ​ക്ഷ​ക​ൾ. ഇ​ന്ത്യ​ക്കാ​ര​നും ബം​ഗ്ലാ​ദേ​ശി​ക്കും സു​ഡാ​നി​ക്കും ഒ​ട്ട​ക​ത്തി​നും ആ​ടി​നും എ​ല്ലാം ഇ​വി​ടെ ഒ​രേ ഭാ​വ​മാ​ണ്, വി​ധേ​യ​ത്ത്വ​ത്തി​​െൻറ ദൈ​ന്യ​ഭാ​വം.