ഫിഫ്ത്ത് റിംഗ് റോഡിന്റെ ഭാഗം താൽക്കാലികമായി അടച്ചിടും

കുവൈത്ത് സിറ്റി: റോഡ് അറ്റകുറ്റപ്പണികളുടെ ഭാഗമായി സാൽമിയയിലേക്കുള്ള ഫിഫ്ത്ത് റിംഗ് റോഡിന്റെ ഭാഗം താൽക്കാലികമായി അടച്ചിടുന്നതായി കുവൈത്ത് പൊതുമരാമത്ത് മന്ത്രാലയം അറിയിച്ചു. അൽ സലാം പ്രദേശത്തിന് എതിർവശത്തുള്ള മൂന്ന് ഇടത് പാതകളാണ് അടച്ചിടുന്നത്. കിംഗ് ഫഹദ് ബിൻ അബ്ദുൽ അസീസ് റോഡിലേക്കുള്ള ഗതാഗതത്തിനായി മൂന്ന് പാതകൾ തുറന്നിരിക്കും.

മേയ് 12 മുതൽ മെയ് 17 വരെയാണ് ഭാഗിക നിയന്ത്രണം. യാത്രക്കാർ ബദൽ മാർഗങ്ങൾ ഉപയോഗിക്കണമെന്നും പ്രദേശത്ത് ജാഗ്രത പാലിക്കണമെന്നും അധികൃതർ നിർദ്ദേശിച്ചു.