വാഹനമിടിച്ച് മലപ്പുറം സ്വദേശി ജിദ്ദയിൽ മരിച്ചു

ജിദ്ദ: വാഹനമിടിച്ച് മലപ്പുറം സ്വദേശി ജിദ്ദയിൽ മരിച്ചു. പൂക്കോട്ടൂർ വെള്ളൂർ താഴെമുക്ക് സ്വദേശി നെച്ചിത്തടത്തിൽ അബൂബക്കർ (53) ആണ് മരിച്ചത്. ദീർഘകാലമായി ജിദ്ദ ഹയ്യ് അന്നഈമിൽ പൊടിമിൽ ജീവനക്കാരനായിരുന്നു. പരേതരായ നെച്ചിത്തടത്തിൽ മുഹമ്മദിന്റെയും നൂറേങ്ങൽ ഫാത്തിമയുടെയും മകനാണ്.

ഭാര്യ: മൈമൂന. മക്കൾ: സൽമാൻ ഫാരിസ്, ഷംനാദ്. നടപടിക്രമങ്ങൾ പൂർത്തിയാക്കി മൃതദേഹം ചൊവ്വാഴ്ച വൈകീട്ട് ഹയ്യ് അൽ ഫൈഹയിലെ മസ്‌ജിദ്‌ റഹ്‌മാനിയ്യയിൽ ഖബറടക്കി.