വീ​ട്ടി​ൽ തീ​പി​ടി​ത്തം; മൂ​ന്നു മ​ര​ണം; ര​ണ്ടു​പേ​ര്‍ക്ക് പ​രി​ക്ക്

കു​വൈ​ത്ത് സി​റ്റി: ജ​ലീ​ബ് അ​ല്‍ ഷു​യൂ​ഖി​ല്‍ വീ​ട്ടി​ലു​ണ്ടാ​യ തീ​പി​ടി​ത്ത​ത്തി​ൽ മൂ​ന്നു പേ​ർ മ​രി​ച്ചു. ര​ണ്ടു പേ​ര്‍ക്ക് സാ​ര​മാ​യി പ​രി​ക്കേ​റ്റു. വീ​ട്ടി​ല്‍ പു​ക നി​റ​ഞ്ഞ​ത് കാ​ര​ണം ശ്വാ​സ​ത​ട​സ്സം നേ​രി​ട്ട് മ​ര​ണ​പ്പെ​ട്ട​തെ​ന്നാ​ണ് വി​വ​രം. കു​വൈ​ത്ത് അ​ഗ്നി​ശ​മ​ന സേ​ന ജ​ന​റ​ല്‍ ഡ​യ​റ​ക്ട​റേ​റ്റി​ലെ ഓ​പ്പ​റേ​ഷ​ന്‍സ് റൂ​മി​ല്‍ വി​വ​രം ല​ഭി​ച്ച​ത​നു​സ​രി​ച്ച് അ​ൽ-​സു​മൂ​ദ്, അ​ർ​ദി​യ കേ​ന്ദ്ര​ങ്ങ​ളി​ൽ നി​ന്ന് അ​ഗ്നി​ശ​മ​ന സേ​നാ അം​ഗ​ങ്ങ​ള്‍ സ്ഥ​ല​ത്തെ​ത്തി. ഫ​യ​ർ​ഫോ​ഴ്‌​സ് സ്ഥ​ല​ത്ത് എ​ത്തി​യ​പ്പോ​ഴേ​ക്കും മൂ​ന്ന് നി​ല​ക​ളു​ള്ള വീ​ട് പൂ​ര്‍ണ​മാ​യും ക​ത്തു​ന്ന സ്ഥി​തി​യി​ലാ​യി​രു​ന്നു. തു​ട​ര്‍ന്ന് തീ ​നി​യ​ന്ത്ര​ണ വി​ധേ​യ​മാ​ക്കി. തീ​പി​ടു​ത്ത​ത്തി​ന്റെ കാ​ര​ണം ക​ണ്ടെ​ത്താ​ന്‍ ആ​ക്സി​ഡ​ന്റ് ഇ​ന്‍വെ​സ്റ്റി​ഗേ​ഷ​ന്‍ മാ​നേ​ജ്‍മെ​ന്റ് ടീം ​അ​ന്വേ​ഷ​ണം തു​ട​ങ്ങി​യ​താ​യി അ​ധി​കൃ​ത​ര്‍ അ​റി​യി​ച്ചു.

അ​തേ​സ​മ​യം, വീ​ട്ടി​ലെ സു​ര​ക്ഷാ മു​ൻ​ക​രു​ത​ലു​ക​ൾ മോ​ശ​മാ​യ​താ​ണ് ദു​ര​ന്ത​ത്തി​ന് കാ​ര​ണ​മെ​ന്ന് കു​വൈ​ത്ത് ഫ​യ​ർ​ഫോ​ഴ്സ് അ​റി​യി​ച്ചു. വാ​തി​ലു​ക​ളും ഇ​രു​മ്പ് ദ​ണ്ഡു​ക​ളും പോ​ലു​ള്ള ത​ട​സ്സ​ങ്ങ​ൾ മൂ​ലം വീ​ടി​ന്റെ മു​റി​ക​ളി​ലേ​ക്ക് പ്ര​വേ​ശി​ക്കു​ന്ന​തി​ൽ അ​ഗ്നി​ശ​മ​ന സേ​നാം​ഗ​ങ്ങ​ൾ​ക്ക് ത​ട​സ്സ​മാ​യ​താ​യും വ്യ​ക്ത​മാ​ക്കി. വീ​ടു​ക​ളി​ൽ സ്ക്രാ​പ്പു​ക​ൾ സൂ​ക്ഷി​ക്ക​രു​തെ​ന്നും കെ​ട്ടി​ട​ങ്ങ​ളു​ടെ സു​ര​ക്ഷ ഉ​റ​പ്പു​വ​രു​ത്ത​ണ​മെ​ന്നും അ​ഗ്നി​ശ​മ​ന​സേ​ന അ​ഭ്യ​ർ​ഥി​ച്ചു.