സമൂഹമാധ്യമ ദുരുപയോഗം നിരീക്ഷിക്കാൻ സമിതി രൂപവത്​കരിച്ചു

കു​വൈ​ത്ത്​ സി​റ്റി: സ​മൂ​ഹ​മാ​ധ്യ​മ​ങ്ങ​ൾ ദു​രു​പ​യോ​ഗം ചെ​യ്യു​ന്ന​ത്​ നി​രീ​ക്ഷി​ക്കാ​നും ത​ട​യാ​നും പ്ര​ത്യേ​ക സ​മി​തി രൂ​പ​വ​ത്​​ക​രി​ച്ചു. ക​മ്യൂ​ണി​ക്കേ​ഷ​ൻ ആ​ൻ​ഡ്​ ഇ​ൻ​ഫ​ർ​മേ​ഷ​ൻ ടെ​ക്​​നോ​ള​ജി റെ​ഗു​ലേ​റ്റ​റി അ​തോ​റി​റ്റി (സി​ട്ര) ചെ​യ​ർ​മാ​ൻ എ​ൻ​ജി​നീ​യ​ർ സ​ലീം മു​തീ​ബ്​ അ​ൽ ഉ​സൈ​ന​യു​ടെ നേ​തൃ​ത്വ​ത്തി​ലു​ള്ള സ​മി​തി​യെ​യാ​ണ്​ മ​ന്ത്രി​സ​ഭ സ​മൂ​ഹ​മാ​ധ്യ​മ നി​രീ​ക്ഷ​ണ​ത്തി​ന്​ ചു​മ​ത​ല​പ്പെ​ടു​ത്തി​യ​ത്. മ​റ്റു രാ​ജ്യ​ങ്ങ​ളി​ൽ ഇ​ത്ത​രം പ്ര​തി​ഭാ​സ​ങ്ങ​ൾ നി​യ​ന്ത്രി​ച്ച രീ​തി​ക​ൾ പ​ഠി​ച്ച്​ സ​മി​തി കു​വൈ​ത്തി​ലും ന​ട​പ്പാ​ക്കും.

പൊ​തു​ജ​ന​ങ്ങ​ളു​ടെ സ്വ​കാ​ര്യ​ത​യി​ലേ​ക്കു​ള്ള ക​ട​ന്നു​ക​യ​റ്റ​മ​ല്ല ഉ​​ദ്ദേ​ശി​ക്കു​ന്ന​തെ​ന്നും വ്യാ​ജ സ​മൂ​ഹ​മാ​ധ്യ​മ അ​ക്കൗ​ണ്ടു​ക​ൾ ഉ​പ​യോ​ഗി​ച്ച്​ നി​യ​മ​വി​രു​ദ്ധ പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​ത്​ ത​ട​യു​ക​യാ​ണ്​ ല​ക്ഷ്യ​മെ​ന്നും അ​ധി​കൃ​ത​ർ വ്യ​ക്ത​മാ​ക്കി.

രാ​ഷ്​​ട്ര​സു​ര​ക്ഷ, സ​ഹ​പ്ര​വ​ർ​ത്ത​ക​ർ​ക്കും മു​തി​ർ​ന്ന ഉ​ദ്യോ​ഗ​സ്ഥ​ർ​ക്കും എ​തി​രെ വ്യാ​ജ​പ്ര​ചാ​ര​ണം ത​ട​യ​ൽ, ത​​ന്ത്ര​പ്ര​ധാ​ന വി​വ​ര​ങ്ങ​ളു​ടെ ചോ​ർ​ച്ച ത​ട​യ​ൽ എ​ന്നീ ല​ക്ഷ്യ​ങ്ങ​ളോ​ടെ​യാ​ണ്​ അ​ധി​കൃ​ത​ർ ന​ട​പ​ടി​ക​ൾ ശ​ക്ത​മാ​ക്കാ​നൊ​രു​ങ്ങു​ന്ന​ത്. ഇ​ത്ത​രം അ​ക്കൗ​ണ്ടു​ക​ൾ മ​ര​വി​പ്പി​ക്കാ​നും കു​റ്റ​കൃ​ത്യ​ങ്ങ​ൾ ചെ​യ്യു​ന്ന​വ​​ർ​ക്കെ​തി​രെ നി​യ​മ​ന​ട​പ​ടി സ്വീ​ക​രി​ക്കാ​നും തീ​രു​മാ​ന​മു​ണ്ട്.

ആ​ഭ്യ​ന്ത​ര മ​ന്ത്രാ​ല​യ​ത്തി​ലെ ചി​ല ഉ​ദ്യോ​ഗ​സ്ഥ​ർ വ്യാ​ജ സ​മൂ​ഹ​മാ​ധ്യ​മ അ​ക്കൗ​ണ്ട്​ ഉ​പ​യോ​ഗി​ച്ച്​ സ​ഹ​പ്ര​വ​ർ​ത്ത​ക​ർ​ക്കും മു​തി​ർ​ന്ന ഉ​ദ്യോ​ഗ​സ്ഥ​ർ​ക്കു​മെ​തി​രെ അ​പ​വാ​ദ പ്ര​ചാ​ര​ണം ന​ട​ത്തു​ന്ന​താ​യി സൈ​ബ​ർ ക്രൈം ​വ​കു​പ്പി​ന്​ പ​രാ​തി ല​ഭി​ച്ചി​രു​ന്നു. ര​ഹ​സ്യ​വി​വ​ര​ങ്ങ​ൾ ചോ​ർ​ന്ന​തു​മാ​യി ബ​ന്ധ​പ്പെ​ട്ട്​ എ​ട്ട്​ ഉ​ന്ന​ത സു​ര​ക്ഷാ ഉ​ദ്യോ​ഗ​സ്ഥ​രെ ക​ഴി​ഞ്ഞ ആ​ഴ്​​ച സ​സ്​​പെ​ൻ​ഡ്​ ചെ​യ്യു​ക​യും ചെ​യ്​​തു. ഇ​തും ന​ട​പ​ടി​ക​ൾ വേ​ഗ​ത്തി​ലാ​ക്കാ​ൻ പ്രേ​ര​ണ​യാ​യി.