അമീരി കാരുണ്യം: കുവൈത്തിൽ 958 തടവുകാർക്ക്​ മോചനം

കുവൈത്ത്​ സിറ്റി: കുവൈത്തിൽ അമീരി കാരുണ്യപ്രകാരം 958 തടവുകാർക്ക്​ മോചനം. മൊത്തം 2370 തടവുകാർക്ക്​ ശിക്ഷയിളവ്​ ലഭിച്ചു​. ​മോചിപ്പിക്കപ്പെട്ടവർ ഒഴികെയുള്ളവർക്ക്​ ശിക്ഷാകാലാവധി കുറച്ചുകൊടുക്കുകയോ പിഴ ഒഴിവാക്കി നൽകുകയോ ആണ്​ ചെയ്​തത്​. 

ആഭ്യന്തരമന്ത്രാലയം, നീതിന്യായ മന്ത്രാലയം, അമീരി ദീവാനി എന്നിവയിലെ പ്രതിനിധികളടങ്ങിയ പ്രത്യേക സമിതിയാണ്​ പട്ടിക തയാറാക്കിയത്​. ഇളവ്​ ലഭിക്കുന്നവരിൽ സ്വദേശികളും വിദേശികളുമായ സ്​ത്രീകളും പുരുഷന്മാരുമുണ്ട്​. തടവുകാലത്തെ നല്ലനടപ്പ് ഉൾപ്പെടെ മാനദണ്ഡങ്ങൾ പരിഗണിച്ച് മോചനം നൽകുകയോ ശിക്ഷ കാലാവധി കുറച്ചുകൊടുക്കുകയോ ആണ് ചെയ്​തുവരുന്നത്​. 

തീവ്രവാദ കേസിലും മനുഷ്യക്കടത്ത് കേസിലും ഉൾപ്പെട്ടവർക്ക് അമീരി കാരുണ്യത്തിൽ ഇളവ് നൽകിയില്ല. സാധാരണ ദേശീയ ദിനാഘോഷത്തോടനുബന്ധിച്ചാണ്​ അമീരി കാരുണ്യ പ്രകാരം ശിക്ഷയിളവ്​ നൽകാറുള്ളതെങ്കിലും ഇത്തവണ വൈകി. 

കഴിഞ്ഞ വർഷം 706 തടവുകാർക്ക് ഇളവ് നൽകി. ഇത്​ പത്തുവർഷ കാലയളവിലെ കുറഞ്ഞ എണ്ണമായിരുന്നു. കഴിഞ്ഞ വർഷത്തേതി​​െൻറ രണ്ടിരട്ടി തടവുകാർക്ക്​ ഇത്തവണ ശിക്ഷയിളവ്​ ലഭിച്ചു.