കുവൈത്തിൽ 886 പേർക്ക്​ കൂടി കോവിഡ്​; 592 പേർക്ക്​ രോഗമുക്​തി

കുവൈത്ത്​ സിറ്റി: കുവൈത്തിൽ 886 പേർക്ക്​ കൂടി കോവിഡ്​ സ്ഥിരീകരിച്ചു. ഇതുവരെ 117,718 പേർക്കാണ്​ വൈറസ്​ ബാധിച്ചത്​. ചൊവ്വാഴ്​​​ച 592 പേർ ഉൾപ്പെടെ 109,198 പേർ രോഗമുക്​തി നേടി. നാലുപേർ കൂടി മരിച്ചതോടെ രാജ്യത്തെ കോവിഡ്​ മരണം 714 ആയി. ബാക്കി 7806 പേരാണ്​ ചികിത്സയിലുള്ളത്​.

133 പേർ തീവ്രപരിചരണ വിഭാഗത്തിലാണ്​. 7935 പേർക്കാണ്​ പുതുതായി കോവിഡ്​ പരിശോധന നടത്തിയത്​. പുതിയ കേസുകൾ സമീപ ആഴ്​ചകളിലെ കൂടിയ നിരക്കാണ്​ ചൊവ്വാഴ്​ച രേഖപ്പെടുത്തിയത്​. അതേസമയം, മരണം നാലായി കുറഞ്ഞത്​ ആശ്വാസമാണ്​. തീവ്രപരിചരണ വിഭാഗത്തിലുള്ളവരിലും മരിക്കുന്നവരിലും അധികവും കുവൈത്തികളാണ്​.