കുവൈത്ത്​ വിമാനത്താവളത്തിൽ 870 നിരീക്ഷണ കാമറ സ്ഥാപിച്ചു

കു​വൈ​ത്ത്​ സി​റ്റി: കു​​വൈ​ത്ത്​ അ​ന്താ​രാ​ഷ്​​ട്ര വി​മാ​ന​ത്താ​വ​ള​ത്തി​ൽ 870 പു​തി​യ നി​രീ​ക്ഷ​ണ കാ​മ​റ​ക​ൾ സ്ഥാ​പി​ച്ചു. പ​ഴ​യ​ത്​ മാ​റ്റി​യ​തും പു​തി​യ പോ​യ​ൻ​റു​ക​ളി​ൽ സ്ഥാ​പി​ച്ച​തും ചേ​ർ​ത്താ​ണി​ത്. നാ​ല്, അ​ഞ്ച്​ ടെ​ർ​മി​ന​ലു​ക​ളി​ൽ​ മു​ഖം തി​രി​ച്ച​റി​യു​ന്ന കാ​മ​റ​യും 360 ഡി​ഗ്രി, പ​നോ​ര​മി​ക്, ഹൈ ​ഡെ​ഫി​നി​ഷ​ൻ കാ​മ​റ​ക​ളും ഉ​ൾ​പ്പെ​ടെ​യാ​ണ്​ സ്ഥാ​പി​ച്ച​ത്. അ​ത്യാ​ധു​നി​ക ക​ൺ​​ട്രോ​ൾ റൂ​മു​ക​ളും സ്ഥാ​പി​ക്കും. കാ​മ​റ ദൃ​ശ്യ​ങ്ങ​ൾ ക​ൺ​ട്രോ​ൾ റൂ​മി​ലെ വ​ലി​യ സ്​​​ക്രീ​നു​ക​ളി​ൽ ല​ഭ്യ​മാ​ക്കും. 20ൽ ​കു​റ​യാ​ത്ത സ്​​ക്രീ​നു​ക​ളു​ണ്ടാ​കും.

നാ​ലു​മീ​റ്റ​ർ വീ​തി​യും ര​ണ്ടു​മീ​റ്റ​ർ ഉ​യ​ര​വു​മു​ള്ള വി​ഡി​യോ വാ​ളും ഇ​വി​ടെ​യു​ണ്ടാ​കും. ഒ​മ്പ​ത്​ ഒാ​പ​റേ​റ്റ​ർ​മാ​രും ഒ​രു സൂ​പ്പ​ർ​വൈ​സ​റു​മാ​ണ്​ ക​ൺ​ട്രോ​ൾ റൂം ​നി​യ​ന്ത്രി​ക്കു​ക. അ​ഞ്ചു കാ​മ​റ​ക​ൾ കാ​റു​ക​ളു​ടെ ന​മ്പ​ർ പ്ലേ​റ്റ്​ തി​രി​ച്ച​റി​യാ​നു​ള്ള​താ​ണ്. ഒ​രി​ക്ക​ൽ പ​തി​ഞ്ഞ ന​മ്പ​ർ പ്ലേ​റ്റും ആ​ളു​ക​ളു​ടെ മു​ഖ​വും പി​ന്നീ​ട്​ തി​രി​ച്ച​റി​യാ​ൻ ക​ഴി​യു​ന്ന അ​ത്യാ​ധു​നി​ക കാ​മ​റ​ക​ളാ​ണ്​ വി​മാ​ന​ത്താ​വ​ള​ത്തി​ൽ ഒ​രു​ക്കി​യ​ത്. തീ, ​പു​ക എ​ന്നി​വ തി​രി​ച്ച​റി​ഞ്ഞ്​ മു​ന്ന​റി​യി​പ്പ്​ ന​ൽ​കാ​നും ക​ഴി​യും.

കാ​മ​റ ദൃ​ശ്യ​ങ്ങ​ൾ സൂ​ക്ഷി​ക്കാ​ൻ ധാ​രാ​ളം സം​ഭ​ര​ണ​ശേ​ഷി​യു​ള്ള അ​ത്യാ​ധു​നി​ക ഡേ​റ്റ സെൻറ​റും വ്യോ​മ​യാ​ന വ​കു​പ്പ്​ നി​ർ​മി​ക്കും. സു​ര​ക്ഷ ഉ​റ​പ്പു​വ​രു​ത്താ​നാ​ണ്​ കു​വൈ​ത്ത്​ വ്യോ​മ​യാ​ന ​വ​കു​പ്പ്​ ബൃ​ഹ​ത്​ പ​ദ്ധ​തി​ക​ൾ ആ​വി​ഷ്​​ക​രി​ച്ച​ത്.