കുവൈത്തിൽ മാസങ്ങൾക്ക്​ ശേഷം കോവിഡ്​ മരണം രണ്ടക്ക സംഖ്യയായി

കുവൈത്ത്​ സിറ്റി: കുവൈത്തിൽ മാസങ്ങൾക്ക്​ ശേഷം കോവിഡ്​ മരണം രണ്ടക്ക സംഖ്യയായി ഉയർന്നു. പത്തുമരണമാണ്​ വെള്ളിയാഴ്​ച സ്ഥിരീകരിച്ചത്​.812 പേർക്ക്​ കൂടി വെള്ളിയാഴ്​ച കോവിഡ്​ സ്ഥിരീകരിച്ചു. ഇതുവരെ 120,232 പേർക്കാണ്​ വൈറസ്​ ബാധിച്ചത്​. വെള്ളിയാഴ്​​​ച 726 പേർ ഉൾപ്പെടെ 111,440 പേർ രോഗമുക്​തി നേടി.

പത്തുപേർ കൂടി മരിച്ചതോടെ രാജ്യത്തെ കോവിഡ്​ മരണം 740 ആയി. ബാക്കി 8052 പേരാണ്​ ചികിത്സയിലുള്ളത്​. 122 പേർ തീവ്രപരിചരണ വിഭാഗത്തിലാണ്​. 7853 പേർക്കാണ്​ പുതുതായി കോവിഡ്​ പരിശോധന നടത്തിയത്​. തീവ്രപരിചരണ വിഭാഗത്തിലുള്ളവരുടെ എണ്ണം കുറഞ്ഞുവരുന്നു. മൊത്തം കേസുകളുടെ എണ്ണവും സമീപ ദിവസങ്ങളിൽ കൂടി വരികയാണ്​.