കുവൈത്തിൽ 686 പേർക്ക്​ കൂടി കോവിഡ്​; 746 പേർക്ക്​ രോഗമുക്​തി

കുവൈത്ത്​ സിറ്റി: കുവൈത്തിൽ 686 പേർക്ക്​ കൂടി കോവിഡ്​ സ്ഥിരീകരിച്ചു. ഇതുവരെ 116,832 പേർക്കാണ്​ വൈറസ്​ ബാധിച്ചത്​. തിങ്കളാഴ്​​​ച 746 പേർ ഉൾപ്പെടെ 108,606 പേർ രോഗമുക്​തി നേടി. ഒമ്പതുപേർ കൂടി മരിച്ചതോടെ രാജ്യത്തെ കോവിഡ്​ മരണം 710 ആയി. ബാക്കി 7516 പേരാണ്​ ചികിത്സയിലുള്ളത്​.

133 പേർ തീവ്രപരിചരണ വിഭാഗത്തിലാണ്​. 6002 പേർക്കാണ്​ പുതുതായി കോവിഡ്​ പരിശോധന നടത്തിയത്​. മൂന്നുമാസത്തെ കൂടിയ മരണ നിരക്കാണ്​ തിങ്കളാഴ്​ച രേഖപ്പെടുത്തിയത്​. പ്രതിദിന മരണം രണ്ടും മൂന്നും ഉണ്ടായിരുന്നത്​ വർധിച്ചുവരികയാണ്​. പുതിയ കേസുകളും രോഗമുക്​തിയും ഒപ്പത്തിനൊപ്പമാണ്​ മാറിമറിയുന്നത്​. തീവ്രപരിചരണ വിഭാഗത്തിലുള്ളവരിലും മരിക്കുന്നവരിലും അധികവും കുവൈത്തികളാണ്​.