കുവൈത്തിൽ 684 പേർക്ക്​ കൂടി കോവിഡ്​; 692 പേർക്ക്​ രോഗമുക്​തി

കുവൈത്ത്​ സിറ്റി: കുവൈത്തിൽ 684 പേർക്ക്​ കൂടി കോവിഡ്​ സ്ഥിരീകരിച്ചു. ഇതുവരെ 63,309 പേർക്കാണ്​ വൈറസ്​ ബാധിച്ചത്​. ശനിയാഴ്​ച 692 പേർ ഉൾപ്പെടെ 53,607 പേർ രോഗമുക്​തി നേടി. നാലുപേർകൂടി മരിച്ചതോടെ രാജ്യത്തെ കോവിഡ്​ മരണം 429 ആയി. ബാക്കി 9273 പേരാണ്​ ചികിത്സയിലുള്ളത്​.  123 പേർ തീവ്രപരിചരണ വിഭാഗത്തിലാണ്​. 3909 പേർക്കാണ്​ പുതുതായി കോവിഡ്​ പരിശോധന നടത്തിയത്​.

422 കുവൈത്തികൾക്കും 262 വിദേശികൾക്കുമാണ്​ പുതുതായി വൈറസ്​ സ്ഥിരീകരിച്ചത്​. അഹ്​മദി ഗവർണറേറ്റിൽ 203 പേർ, ജഹ്​റ ഗവർണറേറ്റിൽ 170 പേർ, ഫർവാനിയ ഗവർണറേറ്റിൽ 158 പേർ, ഹവല്ലി ഗവർണറേറ്റിൽ 87 പേർ, കാപിറ്റൽ ഗവർണറേറ്റിൽ 66 പേർ എന്നിങ്ങനെയാണ്​ കോവിഡ്​ ബാധിതരായത്​.