കുവൈത്തിൽ 663 പേർക്ക്​ കൂടി കോവിഡ്​; 752 പേർക്ക്​ രോഗമുക്​തി

കുവൈത്ത്​ സിറ്റി: കുവൈത്തിൽ 663 പേർക്ക്​ കൂടി കോവിഡ്​ സ്ഥിരീകരിച്ചു. ഇതുവരെ 116,146 പേർക്കാണ്​ വൈറസ്​ ബാധിച്ചത്​. ഞായറാഴ്​​​ച 752 പേർഉൾപ്പെടെ 107,860 പേർ രോഗമുക്​തി നേടി. ഏഴുപേർ കൂടി മരിച്ചതോടെ രാജ്യത്തെ കോവിഡ്​ മരണം 701 ആയി. ബാക്കി 7585 പേരാണ്​ ചികിത്സയിലുള്ളത്​.138 പേർ തീവ്രപരിചരണ വിഭാഗത്തിലാണ്​. 4959 പേർക്കാണ്​ പുതുതായി കോവിഡ്​ പരിശോധന നടത്തിയത്​. രാജ്യത്ത്​ കോവിഡ്​ മരണം 700 കടന്നു. പ്രതിദിന മരണം രണ്ടും മൂന്നും ഉണ്ടായിരുന്നത്​ ഇപ്പോൾ ഏഴും എട്ടും വരെ ഉയർന്നത്​ ആശങ്കയുളവാക്കുന്നു.