കുവൈത്തിൽ 620 പേർക്ക്​ കൂടി കോവിഡ്​; 704 പേർക്ക്​ രോഗമുക്​തി

കുവൈത്ത്​ സിറ്റി: കുവൈത്തിൽ 620 പേർക്ക്​ കൂടി കോവിഡ്​ സ്ഥിരീകരിച്ചു. ഇതുവരെ 70,045 പേർക്കാണ്​ വൈറസ്​ ബാധിച്ചത്​. വ്യാഴാഴ്​​ച 704 പേർ ഉൾപ്പെടെ 61,610 പേർ രോഗമുക്​തി നേടി. ഒരാൾകൂടി മരിച്ചതോടെ രാജ്യത്തെ കോവിഡ്​ മരണം 469 ആയി. ബാക്കി 7966 പേരാണ്​ ചികിത്സയിലുള്ളത്​. 127 പേർ തീവ്രപരിചരണ വിഭാഗത്തിലാണ്​. 3599 പേർക്കാണ്​ പുതുതായി കോവിഡ്​ പരിശോധന നടത്തിയത്​.

423 കുവൈത്തികൾക്കും 197 വിദേശികൾക്കുമാണ്​ പുതുതായി വൈറസ്​ ബാധിച്ചത്​.

അഹ്​മദി ഗവർണറേറ്റിൽ 220 പേർക്കും ജഹ്​റ ഗവർണറേറ്റിൽ 139 പേർക്കും ഫർവാനിയ ഗവർണറേറ്റിൽ 100 പേർക്കും ഹവല്ലി ഗവർണറേറ്റിൽ 82 പേർക്കും കാപിറ്റൽ ഗവർണറേറ്റിൽ 79 പേർക്കുമാണ്​ പുതുതായി കോവിഡ്​ സ്ഥിരീകരിച്ചത്​.