കുവൈത്തിൽ 619 പേർക്ക്​ കൂടി കോവിഡ്​; 618 പേർക്ക്​ രോഗമുക്​തി

കുവൈത്ത്​ സിറ്റി: കുവൈത്തിൽ 619 പേർക്ക്​ കൂടി കോവിഡ്​ സ്ഥിരീകരിച്ചു. ഇതുവരെ 89582 പേർക്കാണ്​ വൈറസ്​ ബാധിച്ചത്​. ഞായറാഴ്​​​ച 618 പേർ ഉൾപ്പെടെ 80,521 പേർ രോഗമുക്​തി നേടി. നാലുപേർ കൂടി മരിച്ചതോടെ രാജ്യത്തെ കോവിഡ്​ മരണം 544 ആയി. ബാക്കി 8517 പേരാണ്​ ചികിത്സയിലുള്ളത്​. 94 പേർ തീവ്രപരിചരണ വിഭാഗത്തിലാണ്​. 3093 പേർക്കാണ്​ പുതുതായി കോവിഡ്​ പരിശോധന നടത്തിയത്​. ഹവല്ലി ഹെൽത്​ ഡിസ്​ട്രിക്​ടിൽ 182 പേർ, അഹ്​മദി ഹെൽത്​ ഡിസ്​ട്രിക്​ടിൽ 128 പേർ, കാപിറ്റൽ ഹെൽത്​ ഡിസ്​ട്രിക്​ടിൽ 128 പേർ, ഫർവാനിയ ഹെൽത്​ ഡിസ്​ട്രിക്​ടിൽ 108 പേർ, ജഹ്​റ ഹെൽത്​ ഡിസ്​ട്രിക്​ടിൽ 73 പേർ എന്നിങ്ങനെയാണ്​ പുതുതായി കോവിഡ്​ ബാധിതരായത്​.