അനിശ്ചിതത്വത്തിന്​ വിരാമം; ആറ്​ മൃതദേഹങ്ങൾ കുവൈത്തിൽനിന്ന്​ നാട്ടിലേക്ക്​ കൊണ്ടുപോയി

കുവൈത്ത്​ സിറ്റി: അനിശ്ചിതത്വങ്ങൾക്ക് വിരാമമിട്ട് ആറ്​ മൃതദേഹങ്ങൾ ഖത്തർ എയർവേസിൽ നാട്ടിലേക്ക് കൊണ്ടുയി. അഞ്ച്​ മലയാളികളുടെ മൃതദേഹം കൊച്ചിയിലേക്കും ഡൽഹി സ്വദേശിയുടെ മൃതദേഹം ഡൽഹിയിലേക്കുമാണ്​ കൊണ്ടുപോയത്​. 

ഏപ്രിൽ 22ന്​ ഹൃദയസ്തംഭനത്തെ തുടർന്ന് മരിച്ച ആലപ്പുഴ ചങ്ങനാശേരി സ്വദേശി ഗോപകുമാർ ഭാസ്കര​​െൻറയും ഏപ്രിൽ 25ന്​ വെളുപ്പിന് മരിച്ച നിലയിൽ കണ്ടെത്തിയ മലപ്പുറം എടപ്പാൾ സ്വാദേശി പ്രകാശ​​െൻറയും 27ന്​ സാൽമിയയിൽ താമസസ്ഥലത്ത്​ ഹൃദയസ്തംഭനത്തെ തുടർന്ന് മരിച്ച ആലപ്പുഴ കായംകുളം സ്വദേശി സണ്ണി യോഹന്നാ​​െൻറയും ഭൗതിക ശരീരം നാട്ടിലയക്കാനുള്ള കടലാസുപണികൾക്ക്​ നേതൃത്വം നൽകിയത്​ കെ.കെ.എം.എ മാഗ്​നറ്റ്​ ആണ്​. 

കല കുവൈത്തി​​െൻറ നേതൃത്വത്തിൽ നടപടിക്രമങ്ങൾ തീർത്ത മാവേലിക്കര സ്വദേശി വർഗീസ് ഫിലിപ്പി​​െൻറയും എംബസിയുടെ മേൽനോട്ടത്തിൽ ചെയ്​ത കോഴിക്കോട് മണിയൂർ സ്വദേശി വിനോദി​​െൻറയും മൃതദേഹം ഇതോടൊപ്പം കൊച്ചിയിലേക്ക് കൊണ്ടുപോയി. ഖലീൽ അഹമ്മദി​​െൻറ മൃതദേഹമാണ്​ ഡൽഹിയിലേക്ക്​ കൊണ്ടുപോയത്​. 

കോവിഡ് കാരണമല്ലാതെ മരിച്ചവരുടെ അടക്കം മൃതദേഹങ്ങൾ കാർഗോ വിമാനത്തിൽ നാട്ടിലയക്കാൻ കേന്ദ്ര സർക്കാർ അനുമതി നൽകാതിരുന്നതോടെയാണ്​ അനിശ്ചിതത്വം ഉടലെടുത്തത്​. കേന്ദ്ര ആരോഗ്യ മന്ത്രാലയത്തി​​െൻറ പ്രത്യേക അംഗീകാരം വേണമെന്ന നിബന്ധനയോടെ ഇപ്പോൾ കേരളത്തിലേക്ക് വീണ്ടും മൃതദേഹം അയക്കാൻ തുടങ്ങുകയായിരുന്നു.