5ജി ​വേ​ഗ​ത​യി​ൽ കു​വൈ​ത്ത്

കു​വൈ​ത്ത് സി​റ്റി: ടെ​ലി​ക​മ്യൂ​ണി​ക്കേ​ഷ​നാ​യി 5ജി ​നെ​റ്റ്‌​വ​ർ​ക്ക് ല​ഭ്യ​ത​യു​ടെ കാ​ര്യ​ത്തി​ൽ ഗ​ൾ​ഫ് മേ​ഖ​ലി​യി​ൽ കു​വൈ​ത്ത് ര​ണ്ടാം സ്ഥാ​ന​ത്ത്. മൊ​ബൈ​ൽ നെ​റ്റ്‌​വ​ർ​ക്ക് അ​നു​ഭ​വ​ങ്ങ​ൾ അ​ള​ക്കു​ന്ന അ​ന​ലി​റ്റി​ക്‌​സ് ക​മ്പ​നി​യാ​യ ഓ​പ​ൺ സി​ഗ്ന​ലാ​ണ് ഇ​തു​സം​ബ​ന്ധി​ച്ച റി​പ്പോ​ർ​ട്ടു ത​യാ​റാ​ക്കി​യ​ത്. ഗ​ൾ​ഫ് രാ​ജ്യ​ങ്ങ​ളി​ൽ ബ​ഹ്‌​റൈ​ൻ ഒ​ന്നാ​മ​തെ​ത്തി. ഭൂ​മി​ശാ​സ്ത്ര​പ​ര​മാ​യും ജ​ന​സം​ഖ്യാ​പ​ര​മാ​യും മേ​ഖ​ല​യി​ലെ ഏ​റ്റ​വും വ​ലി​യ വി​പ​ണി​യാ​യ സൗ​ദി അ​റേ​ബ്യ മൂ​ന്നാ​മ​തും, ഖ​ത്ത​ർ നാ​ലാ​മ​തു​മാ​ണ്. യു.​എ.​ഇ, ഒ​മാ​ൻ എ​ന്നീ രാ​ജ്യ​ങ്ങ​ൾ​ക്കാ​ണ് തു​ട​ർ​ന്നു​ള്ള സ്ഥാ​നം.

ഡൗ​ൺ​ലോ​ഡ് ​വേ​ഗ​ത​യി​ൽ ജി.​സി.​സി​യി​ൽ യു.​എ.​ഇ ഒ​ന്നാ​മ​തെ​ത്തി. ഇ​തി​ൽ ഖ​ത്ത​ർ ര​ണ്ടാ​മ​തും കു​വൈ​ത്ത് മൂ​ന്നാ​മ​തു​മാ​ണ്. വി​ഡി​യോ അ​നു​ഭ​വ​ത്തി​ൽ 75 പോ​യ​ന്റു​മാ​യി കു​വൈ​ത്ത് ഒ​ന്നാം സ്ഥാ​ന​ത്താ​ണ്. 72.4 പോ​യ​ന്റു​മാ​യി യു.​എ.​ഇ ര​ണ്ടാം സ്ഥാ​ന​വും 71.5 പോ​യ​ന്റു​മാ​യി ബ​ഹ്‌​റൈ​ൻ മൂ​ന്നാ​മ​തു​മെ​ത്തി. 68.8 പോ​യ​ന്റു​മാ​യി സൗ​ദി അ​റേ​ബ്യ​യും, 68.6 പോ​യ​ന്റു​മാ​യി ഖ​ത്ത​റും 67.9 പോ​യ​ന്റു​മാ​യി ഒ​മാ​നും തു​ട​ർ​ന്നു​ള്ള സ്ഥാ​ന​ങ്ങ​ളി​ൽ എ​ത്തി.

ഗെ​യി​മി​ങ് അ​നു​ഭ​വ​ത്തി​ൽ 74 പോ​യി​ന്റു​മാ​യി യു.​എ.​ഇ ജി.​സി.​സി രാ​ജ്യ​ങ്ങ​ളി​ൽ ഒ​ന്നാം സ്ഥാ​ന​ത്തെ​ത്തി. 69.6 പോ​യ​ന്റു​മാ​യി ഖ​ത്ത​ർ ര​ണ്ടാ​മ​താ​ണ്. 69.6 പോ​യ​ന്റു​ള്ള ബ​ഹ്‌​റൈ​ൻ, 67.4 പോ​യ​ന്റു​മാ​യി കു​വൈ​ത്ത്, 61.5 പോ​യ​ന്റു​മാ​യി ഒ​മാ​ൻ, 59.7 പോ​യ​ന്റു​മാ​യി സൗ​ദി അ​റേ​ബ്യ എ​ന്നി​ങ്ങ​നെ​യാ​ണ് മ​റ്റു രാ​ജ്യ​ങ്ങ​ളു​ടെ സ്ഥാ​ന​ങ്ങ​ൾ.

വാ​ട്ട്‌​സ്ആ​പ്, സ്‌​കൈ​പ്പ്, ഫേ​സ്ബു​ക്ക് മെ​സ​ഞ്ച​ർ തു​ട​ങ്ങി​യ വോ​യ്‌​സ് ആ​പ്ലി​ക്കേ​ഷ​നു​ക​ളു​ടെ അ​നു​ഭ​വ​ത്തി​ൽ 80.6 പോ​യ​ന്റു​മാ​യി ഖ​ത്ത​ർ ആ​ണ് ഒ​ന്നാ​മ​ത്. 79.6 പോ​യ​ന്റു​മാ​യി കു​വൈ​ത്തും തൊ​ട്ടു​പി​ന്നി​ൽ എ​ത്തി. 79.5 പോ​യ​ന്റു​ള്ള യു.​എ.​ഇ​യും, 78.1 പോ​യ​ന്റു​മാ​യി സൗ​ദി അ​റേ​ബ്യ​യും, 77.7 പോ​യ​ന്റു​മാ​യി ബ​ഹ്‌​റൈ​നും, 77.4 പോ​യ​ന്റു​മാ​യി ഒ​മാ​നും വി​വി​ധ സ്ഥാ​ന​ങ്ങ​ൾ നി​ല​നി​ർ​ത്തി.