കുവൈത്തിൽ കൈയുറ റോഡിൽ വലിച്ചെറിഞ്ഞാൽ 500 ദീനാർ പിഴ

കുവൈത്ത്​ സിറ്റി: കൈയുറകൾ റോഡിൽ വലിച്ചെറിഞ്ഞാൽ 500 ദീനാർ പിഴ ഇൗടാക്കുമെന്ന്​ പരിസ്ഥിതി അതോറിറ്റി മുന്നറിയിപ ്പ്​ നൽകി. ഇവ മാലിന്യ വീപ്പകളിലാണ്​ നിക്ഷേപിക്കേണ്ടത്​. രാജ്യത്തി​​െൻറ വിവിധ ഭാഗങ്ങളിൽ പൊതുവഴിയിൽ കൈയുറകൾ അലക്ഷ്യമായി ഉപേക്ഷിച്ചത്​ ​ശ്രദ്ധയിൽപെട്ടതിനെ തുടർന്നാണ്​ അധികൃതർ മുന്നറിയിപ്പ്​ നൽകിയത്​.

കോവിഡ്​ പശ്ചാത്തലത്തിൽ മുഖാവരണവും കൈയുറയും വ്യാപകമായി ഉപയോഗിക്കപ്പെടുന്നുണ്ട്​. ഒറ്റത്തവണ ഉപയോഗത്തിന്​ ശേഷം ഇത് മാലിന്യവീപ്പയിൽ​ ഉപേക്ഷിക്കണമെന്നാണ്​ ആരോഗ്യ മന്ത്രാലയത്തി​​െൻറ മാർഗനിർദേശം. എന്നാൽ പലയിടത്തും റോഡിലും നടവഴിയിലും മൈതാനങ്ങളിലുമാണ്​ യഥേഷ്​ടം ഉപേക്ഷിക്കുന്നത്​.