കുവൈത്തിൽ 89 ഇന്ത്യക്കാർ ഉൾപ്പെടെ 415 പേർക്ക്​ കൂടി കോവിഡ്​

കുവൈത്ത്​ സിറ്റി: കുവൈത്തിൽ 89 ഇന്ത്യക്കാർ ഉൾപ്പെടെ 415 പേർക്ക്​ കൂടി കോവിഡ്​ സ്ഥിരീകരിച്ചു. ഇതുവരെ രാജ്യത്ത്​ 7623 പേർക്കാണ്​ കോവിഡ്​ ബാധിച്ചത്​. ശനിയാഴ്​ച 156 പേർ ഉൾപ്പെടെ 2622 പേർ രോഗമുക്​തി നേടി. രണ്ടുപേർ കൂടി മരിച്ചു. ഇതോടെ കോവിഡ്​ മരണം 49 ആയി.

4952 പേരാണ്​ ചികിത്സയിലുള്ളതിൽ 95 പേർ തീവ്രപരിചരണ വിഭാഗത്തിലാണ്​. കാപിറ്റൽ ഗവർണറേറ്റിൽ 60 പേർ, ഹവല്ലി ഗവർണറേറ്റിൽ 108 പേർ, അഹ്​മദി ഗവർ​ണറേറ്റിൽ 48 പേർ, ഫർവാനിയ ഗവർണറേറ്റിൽ 172 പേർ, ജഹ്​റ ഗവർണറേറ്റിൽ 27 പേർ എന്നിങ്ങനെയാണ്​ പുതുതായി കോവിഡ്​ ബാധിച്ചത്​.