കുവൈത്തിൽ 353 പേർക്ക്​ കൂടി കോവിഡ്​

കുവൈത്ത്​ സിറ്റി: കുവൈത്തിൽ 103 ഇന്ത്യക്കാരടക്കം 353 പേർക്ക്​ കൂടി കോവിഡ്​ സ്ഥിരീകരിച്ചു. ഇന്ത്യക്കാരനടക്കം നാലുപേർ മരിക്കുകയും ചെയ്​തു. ഇതോടെ മരണം 30 ആയി. ഒരു ദിവസം 300ന്​ മേൽ ആളുകൾക്ക്​ കോവിഡ്​ സ്ഥിരീകരിക്കുന്നതും നാലുപേർ മരിക്കുന്നതും ആദ്യമായാണ്​.

ഇതുവരെ 4377 പേർക്കാണ്​ വൈറസ്​ സ്ഥിരീകരിച്ചത്​. വെള്ളിയാഴ്​ചത്തെ 63 പേരടക്കം 1602 പേർ രോഗമുക്​തി നേടി. ബാക്കി 2745 പേരാണ്​ ചികിത്സയിലുള്ളത്​. 70 പേർ തീവ്രപരിചരണ വിഭാഗത്തിലുള്ളതിൽ 36 പേരുടെ നില ഗുരുതരമാണ്​. പുതിയ കോവിഡ്​ ബാധിതരിൽ ഒമ്പതുപേർ വിദേശത്തുനിന്ന്​ വന്നവരും 337 പേർ നേരത്തെ സ്ഥിരീകരിച്ചവരുമായി സമ്പർക്കം പുലർത്തിയവരുമാണ്​.