കുവൈത്തിൽ 300 പേർക്ക്​ കോവിഡ്​; 213 പേർക്ക്​ രോഗമുക്​തി

കുവൈത്ത്​ സിറ്റി: കുവൈത്തിൽ 300 പേർക്ക്​ കൂടി കോവിഡ്​ സ്ഥിരീകരിച്ചപ്പോൾ 213 പേർ രോഗമുക്​തി നേടി. 57കാരനായ ഫിലിപ ്പീൻ പൗരൻ മരിച്ചു. ഇതോടെ മരണം 24 ആയി.

ഇതുവരെ 3740 പേർക്കാണ്​ കോവിഡ്​ സ്ഥിരീകരിച്ചത്​. 1389 പേർ രോഗമുക്​തി നേടി. ബാക്കി 2327 പേരാണ്​ ചികിത്സയിലുള്ളത്​. 66 പേർ തീവ്രപരിചരണ വിഭാഗത്തിലാണ്​. ഇതിൽ 28 പേരുടെ നില ഗുരുതരമാണ്​. പുതിയ വൈറസ്​ ബാധിതരിൽ 87 പേർ ഇന്ത്യക്കാരാണ്​.

ബുധനാഴ്​ച വൈറസ്​ സ്ഥിരീകരിച്ചവരിൽ രണ്ടുപേർ വിദേശത്തുനിന്ന്​ വന്നവരും 294 പേർ നേരത്തെ സ്ഥിരീകരിച്ചവരുമായി സമ്പർക്കം പുലർത്തിയവരുമാണ്​. നാലുപേർക്ക്​ ഏതുവഴിയാണ്​ വൈറസ്​ ബാധിച്ചതെന്ന്​ ​കണ്ടെത്തിയിട്ടില്ല.