കുവൈത്തിൽ 278 പേർക്ക്​ കൂടി കോവിഡ്​

കുവൈത്ത്​ സിറ്റി: കുവൈത്തിൽ 80 ഇന്ത്യക്കാർ ഉൾപ്പെടെ 278 പേർക്ക്​ കൂടി കോവിഡ്​ സ്ഥിരീകരിച്ചു. ഇതോടെ ഇതുവരെ കോവിഡ്​ സ്ഥിരീകരിച്ചവർ 6567 ആയി. പുതുതായി രണ്ടുപേർ കൂടി മരിച്ചപ്പോൾ കോവിഡ്​ മരണം 44 ആയി.
കാപിറ്റൽ ഗവർണറേറ്റിൽ 50 പേർ ഹവല്ലി ഗവർണറേറ്റിൽ 56 പേർ, അഹ്​മദി ഗവറണറേറ്റിൽ 55 പേർ, ഫർവാനിയ ഗവർണറേറ്റിൽ 97, ജഹ്​റ ഗവർണറേറ്റിൽ 20 പേർ എന്നിങ്ങനെയാണ്​ വൈറസ്​ ബാധിച്ചത്​. 162 പേർ വ്യാഴാഴ്​ച രോഗമുക്​തി നേടി. ഇതോടെ രോഗമുക്​തർ 2381 ആയി. ബാക്കി 4142 പേരാണ്​ ചികിത്സയിലുള്ളത്​.