ഒ​രാ​ഴ്‌​ച 23,604 ഗ​താ​ഗ​ത ലം​ഘ​ന​ങ്ങ​ൾ; 134 വാ​ഹ​ന​ങ്ങ​ൾ പി​ടി​ച്ചെ​ടു​ത്തു

കു​വൈ​ത്ത് സി​റ്റി: ഒ​രാ​ഴ്ച​യ്ക്കി​ടെ, ജ​ന​റ​ൽ ട്രാ​ഫി​ക് ഡി​പ്പാ​ർ​ട്മെ​ന്റി​ലെ ഉ​ദ്യോ​ഗ​സ്ഥ​ർ രാ​ജ്യ​ത്തു​ട​നീ​ളം ന​ട​ത്തി​യ പ​രി​ശോ​ധ​ന​യി​ലും സു​ര​ക്ഷ കാ​മ്പ​യി​നി​ങ്ങി​ലും 23,604 നി​യ​മ​ലം​ഘ​ന​ങ്ങ​ൾ ക​ണ്ടെ​ത്തി.

റോ​ഡു​ക​ളി​ലെ നി​യ​മ​വി​രു​ദ്ധ പ്ര​വ​ർ​ത്ത​ന​ങ്ങ​ൾ ത​ട​യു​ന്ന​തി​ന്റെ ഭാ​ഗ​മാ​യി 134 വാ​ഹ​ന​ങ്ങ​ളും ആ​റ് മോ​ട്ടോ​ർ സൈ​ക്കി​ളു​ക​ളും പി​ടി​ച്ചെ​ടു​ത്തു. ഗു​രു​ത​ര​മാ​യ ട്രാ​ഫി​ക് നി​യ​മ​ലം​ഘ​ന​ങ്ങ​ളി​ൽ ഏ​ർ​പ്പെ​ട്ട​തി​നെ​ത്തു​ട​ർ​ന്ന് 20 പേ​രെ ട്രാ​ഫി​ക് പൊ​ലീ​സി​ലേ​ക്ക് കൈ​മാ​റി. ഡ്രൈ​വി​ങ് ലൈ​സ​ൻ​സി​ല്ലാ​തെ വാ​ഹ​ന​മോ​ടി​ച്ച​തി​ന് 12 പ്രാ​യ​പൂ​ർ​ത്തി​യാ​കാ​ത്ത​വ​ർ പി​ടി​യി​ലാ​യി. ഇ​വ​രെ നി​യ​മ​ന​ട​പ​ടി​ക​ൾ​ക്കാ​യി ജു​വ​നൈ​ൽ പ്രോ​സി​ക്യൂ​ഷ​ന് കൈ​മാ​റി.

പ​രി​ശോ​ധ​ന​ക്കി​ടെ സി​വി​ൽ, ക്രി​മി​ന​ൽ കേ​സു​ക​ളു​മാ​യി ബ​ന്ധ​പ്പെ​ട്ട് തി​ര​യു​ന്ന 27 പേ​രെ​യും റെ​സി​ഡ​ൻ​സി നി​യ​മം ലം​ഘി​ച്ച 12 പേ​രെ​യും ക​ണ്ടെ​ത്തി. നാ​ടു​ക​ട​ത്ത​ൽ കേ​സ് ര​ജി​സ്റ്റ​ർ ചെ​യ്ത ഒ​രാ​ളും ഇ​തി​ൽ ഉ​ൾ​പ്പെ​ടു​ന്നു. മ​യ​ക്കു​മ​രു​ന്ന്, മ​ദ്യം കൈ​വ​ശം വെ​ക്ക​ൽ എ​ന്നി​വ​യു​മാ​യി ബ​ന്ധ​പ്പെ​ട്ട കേ​സു​ക​ളി​ൽ ര​ണ്ട് പേ​രെ അ​റ​സ്റ്റു ചെ​യ്തു.

റോ​ഡ് സു​ര​ക്ഷ പ്രോ​ത്സാ​ഹി​പ്പി​ക്കു​ന്ന​തി​ലും നി​യ​മം ന​ട​പ്പാ​ക്കു​ന്ന​തി​ലും പൗ​ര​ന്മാ​രു​ടെ ക്ഷേ​മം ഉ​റ​പ്പാ​ക്കു​ന്ന​തി​നും തു​ട​ർ പ​രി​ശോ​ധ​ന​ക​ൾ ക​ർ​ശ​ന​മാ​ക്കു​മെ​ന്ന് ജ​ന​റ​ൽ ട്രാ​ഫി​ക് ഡി​പ്പാ​ർ​ട്മെ​ന്റ് അ​റി​യി​ച്ചു.