2,15,000 വി​ദേ​ശി​ക​ൾ ക​ഴി​ഞ്ഞ വ​ർ​ഷം തൊ​ഴി​ൽ വി​പ​ണി വി​ട്ടു

കു​വൈ​ത്ത്​ സി​റ്റി: ക​ഴി​ഞ്ഞ വ​ർ​ഷം 2,15,000 വി​ദേ​ശി​ക​ൾ തൊ​ഴി​ൽ വി​പ​ണി വി​ട്ടു. ഇ​തി​ൽ ഭൂ​രി​ഭാ​ഗ​വും സ്ഥി​ര​മാ​യി കു​വൈ​ത്ത്​ വി​ടു​ക​യും ചെ​റി​യൊ​രു ശ​ത​മാ​നം തൊ​ഴി​ൽ ഉ​പേ​ക്ഷി​ച്ച്​ കു​ടും​ബ വി​സ​യി​ൽ ബ​ന്ധു​ക്ക​ളു​ടെ ​കൂ​ടെ ചേ​രു​ക​യും ചെ​യ്​​തു. 12,000 കു​വൈ​ത്തി​ക​ൾ ക​ഴി​ഞ്ഞ വ​ർ​ഷം സ്വ​​കാ​ര്യ തൊ​ഴി​ൽ വി​പ​ണി​യി​ൽ പ്ര​വേ​ശി​ച്ചു. കോ​വി​ഡ്​ സൃ​ഷ്​​ടി​ച്ച ആ​ഘാ​ത​ത്തി​ൽ നി​ര​വ​ധി പേ​ർ​ക്ക്​ തൊ​ഴി​ൽ ന​ഷ്​​ട​മാ​യ​തും നാ​ട്ടി​ൽ പോ​യ​വ​ർ​ക്ക്​ ഇ​ഖാ​മ കാ​ലാ​വ​ധി ക​ഴി​ഞ്ഞ​തി​നാ​ൽ തി​രി​ച്ചു​വ​രാ​ൻ ക​ഴി​യാ​ത്ത​തും സ്വ​ദേ​ശി​വ​ത്​​ക​ര​ണ ന​ട​പ​ടി​ക​ളു​മാ​ണ്​ രാ​ജ്യ​ത്ത്​ വി​ദേ​ശി​ക​ളു​ടെ എ​ണ്ണം കു​റ​ക്കു​ന്ന​ത്.

ജീ​വി​ത​ച്ചെ​ല​വ്​ കൂ​ടു​ക​യും വ​രു​മാ​നം കു​റ​യു​ക​യും ചെ​യ്യു​ന്ന​ത്​ വി​ദേ​ശ തൊ​ഴി​ലാ​ളി​ക​ളെ സ​മ്മ​ർ​ദ​ത്തി​ലാ​ക്കു​ന്നു​ണ്ട്. കോ​വി​ഡ്​ പ​ശ്ചാ​ത്ത​ല​ത്തി​ൽ പു​തി​യ തൊ​ഴി​ൽ വി​സ അ​നു​വ​ദി​ക്കു​ന്നി​ല്ല. നി​ല​വി​ലു​ള്ള​വ​ർ കു​റ​ഞ്ഞു​കൊ​ണ്ടേ​യി​രി​ക്കു​ന്നു. ഗ​ൾ​ഫ്​ രാ​ജ്യ​ങ്ങ​ളി​ൽ പ്ര​വാ​സി​ക​ളു​ടെ കൊ​ഴി​ഞ്ഞു​പോ​ക്ക്​ ഏ​റ്റ​വും കൂ​ടു​ത​ൽ ഉ​ണ്ടാ​വു​ക കു​വൈ​ത്തി​ലാ​ണെ​ന്നാ​ണ്​ ഒാ​ക്​​സ്​​ഫ​ഡ്​ ഇ​ക്ക​ണോ​മി​സ്​​റ്റ്​ ഫൗ​ണ്ടേ​ഷ​െൻറ പ​ഠ​ന റി​പ്പോ​ർ​ട്ടി​ൽ പ​റ​യു​ന്ന​ത്.

അ​വ​ധി​ക്ക്​ നാ​ട്ടി​ൽ പോ​യി കു​ടു​ങ്ങി​യ നി​ര​വ​ധി പേ​ർ​ക്ക്​ വി​സ പു​തു​ക്കാ​ൻ ക​ഴി​യാ​ത്ത​തി​നാ​ൽ കു​വൈ​ത്തി​ലേ​ക്ക്​ തി​രി​ച്ചു​വ​രാ​ൻ ക​ഴി​യാ​ത്ത സ്ഥി​തി​യി​ലാ​യി.ഒാ​ൺ​ലൈ​നാ​യി സ്​​പോ​ൺ​സ​ർ​ക്ക്​ വി​സ പു​തു​ക്കാ​ൻ ക​ഴി​യു​മെ​ങ്കി​ലും ക​മ്പ​നി ബ്ലാ​ക്ക്​ ലി​സ്​​റ്റി​ൽ ആ​യും സ്​​പോ​ൺ​സ​ർ പു​തു​ക്കാ​ൻ ത​യാ​റാ​കാ​തെ​യും അ​ശ്ര​ദ്ധ മൂ​ല​വും പ​ല​രു​ടെ​യും അ​വ​സ​രം ന​ഷ്​​ട​പ്പെ​ട്ടു. കോ​വി​ഡ്​ പ്ര​തി​സ​ന്ധി​യൊ​ഴി​ഞ്ഞാ​ൽ ഇ​വ​രു​ടെ കാ​ര്യ​ത്തി​ൽ മാ​നു​ഷി​ക പ​രി​ഗ​ണ​ന​വെ​ച്ചു​ള്ള പ്ര​ത്യേ​ക തീ​രു​മാ​ന​മോ ഇ​ള​വോ ഉ​ണ്ടാ​കു​മെ​ന്ന പ്ര​തീ​ക്ഷ ആ​ളു​ക​ൾ​ക്കു​ണ്ട്. അ​ത്ത​ര​ത്തി​ൽ എം​ബ​സി​യു​ടെ ഭാ​ഗ​ത്തു​നി​ന്ന്​ ഇ​ട​പെ​ട​ലു​ണ്ടാ​കു​മെ​ന്നാ​ണ്​ അ​റി​യു​ന്ന​ത്. എം​ബ​സി ഇ​ത്ത​ര​ക്കാ​രു​ടെ വി​വ​രം ശേ​ഖ​രി​ക്കു​ന്നു​ണ്ട്.