എം.ആർ.​െഎ, എൻഡോസ്​കോപി തുടങ്ങിയവ സ്വദേശികൾക്ക്​ മാത്രമാക്കും

കുവൈത്ത്​ സിറ്റി: ആരോഗ്യസേവനങ്ങളുടെ ഫീസ്​ വർധിപ്പിച്ചും എം.ആർ.​െഎ, എൻഡോസ്​കോപി തുടങ്ങിയ സേവനങ്ങൾ അവർക്ക്​ അപ്രാപ്യമാക്കിയും സ്വദേശികൾക്ക്​ സൗകര്യമൊരുക്കാൻ ആലോചനയെന്ന്​ സർക്കാർ. നിലവിൽ രാജ്യത്തുള്ള സ്വകാര്യ ആശുപത്രികൾ രാജ്യത്തെ വിദേശി സമൂഹത്തെ മുഴുവൻ ഉൾക്കൊള്ളാൻ പര്യാപ്​തമല്ല. വിദേശികൾക്ക്​ മാത്രമായുള്ള മൂന്ന്​ ഇൻഷുറൻസ്​ ആശുപത്രികളുടെ നിർമാണം പൂർത്തിയാവാൻ മൂന്നു വർഷമെങ്കിലും എടുക്കുമെന്നാണ്​ കണക്കുകൂട്ടൽ. 
അതിന്​ മുമ്പ്​ പൊതു ആശുപത്രികൾ വിദേശികൾക്ക്​ വിലക്കുന്നത്​ ശരിയല്ലെന്ന നിലപാടാണ്​ ​സർക്കാറിനുള്ളത്​. പൊതു ആശുപത്രികൾ പതിയെ സ്വദേശികൾക്ക്​ മാത്രമാക്കുമെന്നും വിശദീകരിച്ചു. ഇതി​​െൻറ ഭാഗമായാണ്​ ഫീസ്​ വർധനയിലൂടെ അനാകർഷകമാക്കിയും എം.ആർ.​െഎ, എൻഡോസ്​കോപി തുടങ്ങിയ സേവനങ്ങൾ നിഷേധിച്ചും സ്വദേശികൾക്ക്​ സൗകര്യമൊരുക്കാൻ ആലോചിക്കുന്നത്​. രാജ്യത്തെ ജനസംഖ്യാ അസന്തുലിതത്വം പരിഹരിക്കുന്നത്​ മുഖ്യപരിഗണനാ വിഷയമാണെന്ന്​ സർക്കാർ വ്യക്​തമാക്കി. ഇതുസംബന്ധിച്ച്​ എം.പിമാർ സഭയിൽ ഉന്നയിച്ച ആവശ്യത്തോട്​ പ്രതികരിക്കുകയായിരുന്നു മന്ത്രിസഭ. ചില ​പ്രായോഗിക ബുദ്ധിമുട്ടുകൾ ഉണ്ടെങ്കിലും അവയെല്ലാം പരിഹരിച്ച്​ സ്വദേശികളുടെ താൽപര്യം സംരക്ഷിക്കാൻ സർക്കാർ പ്രതിജ്​ഞാബദ്ധമാണെന്ന്​ മന്ത്രിസഭ വ്യക്​തമാക്കി. 
സർക്കാർ വകുപ്പുകളിലെ ഭരണനിർവഹണ തസ്തികകളിൽ പൂർണ സ്വദേശിവത്​കരണം നടപ്പാക്കും. അ​േതസമയം, ഡോക്​ടർമാർ, അധ്യാപകർ, നഴ്​സുമാർ തുടങ്ങിയ വിദഗ്​ധ തൊഴിലുകളിൽ സ്വദേശിവത്​കരണം നടപ്പാക്കാൻ കഴിയുന്ന സാഹചര്യമില്ല. ഏ​തെങ്കിലും പദ്ധതികൾക്ക്​ മാത്രമായി കൊണ്ടുവന്ന വിദേശ തൊഴിലാളികളെ ആ ദൗത്യം പൂർത്തിയായാൽ ഉടൻ മടക്കിയയക്കാനുള്ള ഉത്തരവാദിത്തം തൊഴിലുടമക്കുണ്ട്​. ഇവരുടെ താമസാനുമതി മാറ്റിക്കൊടുക്കാൻ പാടില്ല. വിദേശികൾക്ക്​ പകരം ബിദൂനികളെ നിയമിക്കുന്നത്​ പ്രായോഗികമല്ലെന്ന്​ സർക്കാർ വൃത്തങ്ങൾ വ്യക്​തമാക്കി. അവരിൽ ഭൂരിഭാഗവും പരി​ശീലനം സിദ്ധിച്ചവരോ തൊഴിൽ വൈദഗ്​ധ്യമുള്ളവരോ അല്ലെന്നതാണ്​ കാരണം. പാർലമ​െൻറി​​െൻറ അനുമതി ലഭിച്ചാലുടൻ സന്ദർശകവിസക്ക്​ ആരോഗ്യ ഇൻഷുറൻസ്​ ഫീ ചുമത്തും. കുവൈത്തിൽ സന്ദർശക വിസക്കാർക്കുള്ള ആരോഗ്യ ഇൻഷുറൻസ്​ പ്രീമിയം പ്രായം അടിസ്​ഥാനമാക്കി നിശ്ചയിക്കാനാണ്​ ആഭ്യന്തര മന്ത്രാലയം ആലോചിക്കുന്നത്​. 60 വയസ്സിന് മുകളിലുള്ളവർക്ക് കൂടിയ തുക പ്രീമിയം ആയി നൽകേണ്ടിവരും. 
സന്ദർശക വിസയിൽ രാജ്യത്തെത്തുന്നവരെ പരിശോധിക്കാൻ വിമാനത്താവളത്തിൽ തന്നെ ആരോഗ്യകേന്ദ്രം സ്​ഥാപിക്കുന്നതും മന്ത്രാലയത്തി​െൻറ പരിഗണനയിലുണ്ട്. ഏതെങ്കിലും രോഗം ബാധിച്ചവരാണോ വരുന്നതെന്ന് വിമാനത്താവളത്തിൽ തന്നെ കണ്ടുപിടിക്കാൻ കഴിയുമോ എന്നതി​െൻറ സാധ്യതയാണ് ആരായുന്നത്. 
സൗജന്യ ചികിത്സ ഉപയോഗപ്പെടുത്തുക എന്ന ലക്ഷ്യത്തോടെ വിദേശികൾ ബന്ധുക്കളെ സന്ദർശക വിസയിൽ കൊണ്ടുവരുന്നുവെന്നായിരുന്നു ആക്ഷേപം. ഇതേതുടർന്നാണ് സർക്കാർ ഇൻഷുറൻസ്​ ഏർപ്പെടുത്താൻ നീക്കം തുടങ്ങിയത്. വാണിജ്യ, കുടുംബ, വിനോദസഞ്ചാര വിസ ഉൾപ്പെടെ ഏതുതരത്തിലുള്ള സന്ദർശക വിസയിലെത്തുന്നവർക്കും ആരോഗ്യ ഇൻഷുറൻസ്​ ഏർപ്പെടുത്താനാണ് നിർദേശം. മന്ത്രിസഭ അംഗീകരിച്ച കരടുനിർദേശം അനുസരിച്ച് വിദേശികൾക്കായി വിസിറ്റിങ് വിസക്ക് അപേക്ഷിക്കുമ്പോൾ തന്നെ ലൈസൻസുള്ള ഇൻഷുറൻസ്​ കമ്പനിയുടെ ആരോഗ്യ ഇൻഷുറൻസ്​ പോളിസിക്കുള്ള അപേക്ഷയും കൂടെ വെക്കണം. ഇതുവഴി 
സന്ദർശകന് സ്വകാര്യ ആശുപത്രികളിൽ സന്ദർശകകാലയളവിൽ സൗജന്യമായി സേവനം ലഭിക്കും. മെഡിക്കൽ ടൂറിസം വ്യാപകമായതോടെ സന്ദർശക വിസയിലെത്തുന്നവർ കുവൈത്തിലെ ആരോഗ്യ സേവനങ്ങൾ വ്യാപകമായി ഉപയോഗപ്പെടുത്തുന്നതായി 
പരാതി ഉയർന്നിരുന്നു.