കെഫാക് മാസ്റ്റേഴ്സ് ഫുട്ബാള്‍:  കോഴിക്കോടിന് ജയം

കുവൈത്ത് സിറ്റി: കെഫാക് അന്തര്‍ ജില്ലാ ഫുട്ബാള്‍ ലീഗ് മത്സരങ്ങള്‍ പകുതി പിന്നിടുന്നു. അന്തര്‍ജില്ല മാസ്റ്റേഴ്സ് സെവന്‍ എ സൈഡ് ലീഗില്‍ ശക്തരായ കോഴിക്കോട് ഒന്നിനെതിരെ രണ്ടു ഗോളുകള്‍ക്ക് മലപ്പുറത്തെ പരാജയപ്പെടുത്തി. മുനീര്‍ ബാബുവിന്‍െറ ഗോളിലൂടെ മുന്നിലത്തെിയ മലപ്പുറത്തെ നിയാസും റാഫിയും നേടിയ ഗോളിലൂടെയാണ് കോഴിക്കോടിനെ കീഴടക്കിയത്. രണ്ടാം മത്സരത്തില്‍ പാലക്കാടും കാസര്‍കോടും ഓരോ ഗോളുകള്‍ നേടി സമനിലയില്‍ പിരിഞ്ഞു. പാലക്കാടിനുവേണ്ടി നിസാറും കാസര്‍കോടിനുവേണ്ടി വിനോദും ഗോള്‍ നേടി. 
കണ്ണൂര്‍-തിരുവനന്തപുരം, എറണാകുളം-തൃശൂര്‍ മത്സരങ്ങള്‍ ഗോള്‍രഹിത സമനിലയില്‍ പിരിഞ്ഞു. തുടര്‍ന്നുനടന്ന വാശിയേറിയ സോക്കര്‍ ജില്ലാ ലീഗ് മത്സരങ്ങളില്‍ എറണാകുളം ഏകപക്ഷീയമായ രണ്ടു ഗോളുകള്‍ക്ക് കാസര്‍കോടിനെ പരാജയപ്പെടുത്തി. എറണാകുളത്തിനുവേണ്ടി അബിന്‍ ജോര്‍ജാണ് ഗോള്‍ നേടിയത്. രണ്ടാം മത്സരത്തില്‍ പാലക്കാടും തൃശൂരും ഗോള്‍രഹിത സമനിലയില്‍ പിരിഞ്ഞു. മൂന്നാം മത്സരത്തില്‍ കോഴിക്കോട് ഏകപക്ഷീയമായ ഒരുഗോളിന് കണ്ണൂരിനെ പരാജയപ്പെടുത്തി. മത്സരത്തിന്‍െറ അവസാനനിമിഷത്തില്‍ അനസ് ആണ് കോഴിക്കോടിന്‍െറ വിജയഗോള്‍ നേടിയത്. അവസാന മത്സരത്തില്‍ നിലവിലെ ചാമ്പ്യന്മാരായ മലപ്പുറവും മുന്‍ ചാമ്പ്യന്മാരായ തിരുവനന്തപുരവും ഗോള്‍രഹിത സമനിലയില്‍ പിരിഞ്ഞു.