വാണിജ്യ മന്ത്രാലയം അണ്ടര്‍ സെക്രട്ടറി  ഖാലിദ് അല്‍ ശിമാലി അന്തരിച്ചു

കുവൈത്ത് സിറ്റി: കുവൈത്ത് വാണിജ്യ മന്ത്രാലയം അണ്ടര്‍ സെക്രട്ടറി ഖാലിദ് ജാസിം അല്‍ ശിമാലി അന്തരിച്ചു. 
വാണിജ്യ-വ്യവസായ മന്ത്രി ഖാലിദ് അല്‍ റൗദാനോടൊപ്പം ഒൗദ്യോഗിക സന്ദര്‍ശനത്തിന്‍െറ ഭാഗമായി അമേരിക്കന്‍ തലസ്ഥാനമായ വാഷിങ്ടണിലത്തെിയതായിരുന്നു.  അവിടെവെച്ച് തിങ്കളാഴ്ച ഹൃദയാഘാതത്തെ തുടര്‍ന്നാണ് അന്ത്യം. വാഷിങ്ടണിലെ കുവൈത്ത് എംബസിയുടെ നേതൃത്വത്തില്‍ മൃതദേഹം നാട്ടിലേക്ക് കൊണ്ടുവരാനുള്ള നടപടി തുടങ്ങിയിട്ടുണ്ട്. മൃതദേഹത്തെ അനുഗമിച്ച് മന്ത്രി റൗദാന്‍ ബുധനാഴ്ച അമേരിക്കയില്‍നിന്ന് മടങ്ങുമെന്ന് ബന്ധപ്പെട്ട വൃത്തങ്ങള്‍ പറഞ്ഞു. 
അണ്ടര്‍ സെക്രട്ടറി പദവി ഏറ്റെടുത്ത് രണ്ടുവര്‍ഷം പൂര്‍ത്തിയാക്കിയ ശിമാലി ഇതിനകം നിരവധി പരിഷ്കാരങ്ങളാണ് മന്ത്രാലയത്തില്‍ ഏര്‍പ്പെടുത്തിയത്.