കുവൈത്ത് എലത്തൂര്‍ മുസ്ലിം  ജമാഅത്ത് കുടുംബസംഗമം

കുവൈത്ത് സിറ്റി: കുവൈത്ത് എലത്തൂര്‍ മുസ്ലിം ജമാഅത്ത് (കെ.ഇ.എം.ജെ) വാര്‍ഷിക കുടുംബ സംഗമം ഫിന്‍താസ് ഗാര്‍ഡനില്‍ സംഘടിപ്പിച്ചു. ജനറല്‍ സെക്രട്ടറി റഫീഖ് നടുക്കണ്ടി അധ്യക്ഷത വഹിച്ചു. 
മുഖ്യ രക്ഷാധികാരി ഇ.കെ. അബ്ദുറസാഖ് ഹാജി ഉദ്ഘാടനം നിര്‍വഹിച്ചു. ജോയന്‍റ് സെക്രട്ടറി ഫിറോസ് നാലകത്ത് സ്വാഗതം പറഞ്ഞു. 
യൂസഫ് മാട്ടുവയില്‍, വാളിയില്‍ അബൂബക്കര്‍, യാക്കൂബ് മാട്ടുവയില്‍, ബഷീര്‍ നെല്ലിയോട്ട്, ഇബ്രാഹിം തൈതോട്ടത്തില്‍, ആലിക്കുഞ്ഞി കളത്തില്‍ മാളിയേക്കല്‍, കെ.ടി. ഹരിദാസ് എന്നിവര്‍ സംസാരിച്ചു.  പുരുഷന്മാര്‍ക്കും സ്ത്രീകള്‍ക്കും കുട്ടികള്‍ക്കും പ്രത്യേകം നടത്തിയ മത്സരങ്ങളില്‍ വിജയികളായവര്‍ക്കും നറുക്കെടുപ്പിലെ വിജയികള്‍ക്കും സമ്മാനങ്ങള്‍ വിതരണം ചെയ്തു. 
എന്‍. ഷാഫി, എന്‍.ആര്‍. ആഷിഖ്, മുനീര്‍ മക്കാറി, എന്‍.ആര്‍. ആരിഫ്, ഇ. ഹബീബ് എന്നിവര്‍ വിവിധ മത്സരങ്ങള്‍ നിയന്ത്രിച്ചു. യാക്കൂബ് മാട്ടുവയില്‍, അര്‍ഷദ് നടുക്കണ്ടി എന്നിവര്‍ മുഖ്യ അവതാരകരായി. ട്രഷറര്‍ ഉനൈസ് നടുക്കണ്ടി നന്ദി പറഞ്ഞു.