കുട്ടികള്‍ക്ക് നവ്യാനുഭവമായി പെയിന്‍റിങ് വര്‍ക്ഷോപ്

കുവൈത്ത് സിറ്റി: നായര്‍ സര്‍വിസ് സൊസൈറ്റി, കുവൈത്തിന്‍െറ ആഭിമുഖ്യത്തില്‍ അബ്ബാസിയ യുനൈറ്റഡ് ഇന്ത്യന്‍ സ്കൂളില്‍ നടത്തിയ ഡ്രോയിങ് ആന്‍ഡ് പെയിന്‍റിങ് വര്‍ക്ഷോപ് നൂറില്‍പരം കുട്ടികള്‍ക്ക് നവ്യാനുഭവമായി. രാവിലെ പത്തിന് ജനറല്‍ സെക്രട്ടറി പ്രസാദ് പദ്മനാഭനും പ്രസിഡന്‍റ് മധു വെട്ടിയാറും ചേര്‍ന്ന് പഠനകളരി ഉദ്ഘാടനം ചെയ്തു.
 വനിതാ സമാജം കണ്‍വീനര്‍ ദീപ പിള്ള സംസാരിച്ചു. കുവൈത്തിലെ കൊച്ചുകൂട്ടുകാരുടെ സര്‍ഗശേഷിയും ആത്മവിശ്വാസവും കൂട്ടുവാന്‍
 സഹായകമാകണമെന്ന ഉദ്ദേശ്യത്തോടെയാണ് പഠനകളരി സംഘടിപ്പിച്ചതെന്ന് ജനറല്‍ പ്രോഗ്രാം കണ്‍വീനര്‍ ഹരി പിള്ള അഭിപ്രായപ്പെട്ടു. ചിത്രകാരനായ ആര്‍ട്ടിസ്റ്റ് സുനില്‍ പൂക്കോടിന്‍െറ നേതൃത്വത്തിലാണ് പഠനകളരി നടന്നത്. ട്രഷറര്‍ ശ്രീകുമാര്‍ പിള്ള നന്ദി പറഞ്ഞു.
 എന്‍.എസ്.എസ് കുവൈത്തിന്‍െറ സ്നേഹോപഹാരം സുനില്‍ പൂക്കോടിന് കൈമാറി.