ആ​രോ​ഗ്യ സെ​മി​നാ​ര്‍ സം​ഘ​ടി​പ്പി​ച്ചു

 കുവൈറ്റ് സിറ്റി: ഭാരതീയ പ്രവാസി പരിഷത്തി​െൻറ വനിത കൂട്ടായ്മയായ ‘സ്ത്രീശക്തി’യുടെ ആഭിമുഖ്യത്തില്‍ ആരോഗ്യസെമിനാര്‍ സംഘടിപ്പിച്ചു. മംഗഫ് സംഗീത ഒാഡിറ്റോറിയത്തില്‍ നടന്ന പരിപാടി ചലച്ചിത്ര നടി ഗൗതമി ഉദ്ഘാടനം ചെയ്തു. അഡ്വ. വിദ്യ സുമോദ് അധ്യക്ഷത വഹിച്ച ചടങ്ങില്‍ നിഷ  ശ്രീപ്രകാശും ചിത്ര അജയും ചേര്‍ന്ന് വന്ദേമാതരം ആലപിച്ചു. ഡോ. സരിതഹരി അര്‍ബുദ രോഗ ലക്ഷണം മനസ്സിലാക്കി മുന്‍കരുതലുകള്‍ എടുക്കുന്നതിനെ കുറിച്ച് ക്ലാസെടുത്തു. സന്തോഷമായി ജീവിക്കുക എന്നതാണ് നമുക്ക് നമ്മളോട് ചെയ്യാവുന്ന ഏറ്റവും മഹത്തായ കാര്യമെന്ന് ഗൗതമി പറഞ്ഞു. ചിരിച്ചുകൊണ്ട് സന്തോഷത്തോടെ ജീവിതത്തെ അഭിമുഖീകരിക്കണമെന്ന് ഡോ. ഹൈമ റെഡ്ഡി പറഞ്ഞു. രേഖ നായര്‍ ഗൗതമിയെയും സുലേഖ അജയകുമാര്‍ ഡോ. സരിത ഹരിയെയും പൊന്നാട അണിയിച്ച് ആദരിച്ചു. സുഷമ രാജീവ് സ്വാഗതവും ശശികല രജീഷ് നന്ദിയും പറഞ്ഞു.