ബലികര്‍മം: 60,000 ആടുകളെ  ഇറക്കുമതി ചെയ്തു

കുവൈത്ത് സിറ്റി: പെരുന്നാളിനോടനുബന്ധിച്ചുള്ള ബലികര്‍മങ്ങള്‍ക്കായി 60,000 ആടുകളെ രാജ്യത്തേക്ക് ഇറക്കുമതി ചെയ്തതായി പ്രമുഖ ആട് ഇറക്കുമതി കമ്പനിയായ അല്‍ മവാശി അധികൃതര്‍ അറിയിച്ചു. സ്വദേശികളും വിദേശികളും ഉള്‍പ്പെടെ ബലിയറുക്കാന്‍ ഉദ്ദേശിക്കുന്നവരുടെ ആവശ്യങ്ങള്‍ പൂര്‍ത്തീകരിക്കാന്‍ ഇവ മതിയാകുമെന്നാണ് പ്രതീക്ഷയെന്ന് കമ്പനിയുടെ എക്സിക്യുട്ടീവ് പ്രസിഡന്‍റ് എന്‍ജി. ഉസാമ ബൂദി പ്രാദേശിക പത്രത്തോട് പറഞ്ഞു.  കൂടുതല്‍ മാംസദായകമായ ആടുകളെയത്തെിക്കാന്‍ പരമാവധി ശ്രമിച്ചിട്ടുണ്ടെന്നും അല്‍ മവാശ് കമ്പനി വ്യക്തമാക്കി.