ഐ.എം.സി.സി ഇഫ്താര്‍ സംഗമവും  ഇബ്രാഹീം സേട്ട് അനുസ്മരണവും 

കുവൈത്ത് സിറ്റി: ഇന്ത്യന്‍ മുസ്ലിം കള്‍ച്ചറല്‍ സെന്‍ററിന്‍െറ (ഐ.എം.സി.സി) ആഭിമുഖ്യത്തില്‍ ഇഫ്താര്‍ സംഗമവും ഇബ്രാഹീം സുലൈമാന്‍ സേട്ട് അനുസ്മരണവും സംഘടിപ്പിച്ചു. അബ്ബാസിയ ഫോക് ഹാളില്‍ നടന്ന പരിപാടിയില്‍ പ്രസിഡന്‍റ് ശരീഫ് താമരശ്ശേരി അധ്യക്ഷത വഹിച്ചു. 
അബ്ദുല്‍ ഫത്താഹ് തയ്യില്‍, ഇബ്രാഹീം സുലൈമാന്‍ സേട്ട് അനുസ്മരണ പ്രഭാഷണം നിര്‍വഹിച്ചു. സാം പൈനുംമൂട്, ജോയ് മുണ്ടക്കാട്, സഗീര്‍ തൃക്കരിപ്പൂര്‍, തോമസ് മാത്യു കടവില്‍, സാബു പീറ്റര്‍, സത്താര്‍ കുന്നില്‍, അനിയന്‍കുഞ്ഞ്, ചെസില്‍ രാമപുരം എന്നിവര്‍ സംസാരിച്ചു. ഹമീദ് മധൂര്‍ സ്വാഗതവും ശരീഫ് കൊളവയല്‍ നന്ദിയും പറഞ്ഞു.