ശവ്വാല്‍ മാസപ്പിറവി: ശറഈ കമ്മിറ്റി  തിങ്കളാഴ്ച യോഗം ചേരും

കുവൈത്ത് സിറ്റി: വിശുദ്ധ റമദാന്‍ അവസാനത്തിലേക്ക് പ്രവേശിച്ചതോടെ ശവ്വാല്‍ മാസപ്പിറയുമായി ബന്ധപ്പെട്ട തീരുമാനം കൈക്കൊള്ളുന്നതിനും ഈദുല്‍ ഫിത്ര്‍ ഒൗദ്യോഗികമായി പ്രഖ്യാപിക്കുന്നതിനും നീതിന്യായ മന്ത്രാലയത്തിന് കീഴിലുള്ള ശറഈ കമ്മിറ്റി ജൂലൈ നാലിന് തിങ്കളാഴ്ച പ്രത്യേക യോഗം ചേരും. 
സിറ്റിയിലെ ബലദിയ പാര്‍ക്കിന് അഭിമുഖമായുള്ള നിയമപഠന ഇന്‍സ്റ്റിറ്റ്യൂട്ട് ആസ്ഥാനത്താണ് ഉന്നത ജഡ്ജിമാരടങ്ങുന്ന ശറഈ കമ്മിറ്റി യോഗം ചേരുക. 
തിങ്കളാഴ്ച എവിടെയെങ്കിലും ശവ്വാല്‍ മാസപ്പിറവി കണ്ടതായി വിശ്വസനീയമായ തരത്തില്‍ വിവരം ലഭിക്കുന്നവര്‍ മതിയായ തെളിവുകള്‍ സഹിതം കമ്മിറ്റിയെ അറിയിക്കണമെന്ന് നീതിന്യായ മന്ത്രാലയം ആവശ്യപ്പെട്ടു.