മൂന്നു കിലോ മയക്കുമരുന്നുമായി ഇത്യോപ്യക്കാരി പിടിയില്‍

കുവൈത്ത് സിറ്റി: കുവൈത്ത് അന്താരാഷ്ട്ര വിമാനത്താവളത്തില്‍ വീണ്ടും മയക്കുമരുന്നുവേട്ട. മൂന്നുകിലോ മയക്കുമരുന്നുമായി ഇത്യോപ്യക്കാരി പിടിയിലായി. നാട്ടിലെ അവധി കഴിഞ്ഞ് തിരിച്ചുവരുകയായിരുന്ന യുവതി ഭക്ഷണസാധനങ്ങള്‍ക്കൊപ്പം ഒളിപ്പിച്ചാണ് മയക്കുമരുന്ന് കടത്താന്‍ ശ്രമംനടത്തിയത്. തുടര്‍ നടപടികള്‍ക്കായി യുവതിയെ ആന്‍റി നാര്‍ക്കോട്ടിക് വിഭാഗത്തിന് കൈമാറി.  മയക്കുമരുന്ന് കടത്തിനെതിരെ ശക്തമായ നടപടികളാണ് അധികൃതര്‍ സ്വീകരിക്കുന്നത്. വിമാനത്താവളങ്ങളിലും കര അതിര്‍ത്തികളിലും കര്‍ശന പരിശോധനയും നിരീക്ഷണവും തുടരുന്നുണ്ട്. കുറ്റകാര്‍ക്കെതിരെ നിയമനടപടികള്‍ സ്വീകരിക്കുന്നതിനൊപ്പം ബോധവത്കരണപരിപാടികളും നടത്താന്‍ ഉദ്ദേശിക്കുന്നുണ്ട്.