ആദ്യകാല പ്രവാസി  അലി ഹാജിക്ക നിര്യാതനായി

കുവൈത്ത് സിറ്റി: കുവൈത്തിലെ ആദ്യകാല പ്രവാസികളില്‍ ഒരാളായ കണ്ണൂര്‍ സിറ്റി പനയങ്കാട്ട് മുഹമ്മദ് അലി (അലി ഹാജിക്ക-81) നിര്യാതനായി. വാര്‍ധക്യസഹജമായ അസുഖങ്ങളെ തുടര്‍ന്ന് വ്യാഴാഴ്ച രാവിലെ മുബാറക് അല്‍കബീര്‍ ആശുപത്രിയിലാണ് മരിച്ചത്. 1950 കളില്‍ കുവൈത്തില്‍ എത്തിയ മുഹമ്മദ് അലി മിര്‍ഗാബില്‍ റഹ്മാനിയ റസ്റ്റാറന്‍റ് നടത്തിയിരുന്നു. ഭാര്യ: പരേതയായ സുലൈഖ. മക്കളായ ഫായിസ് ഫര്‍ഹാന, ഫരീസ സലീം, ആലിയ, നൂറ എന്നിവര്‍ കുവൈത്തിലുണ്ട്. സുലൈബികാത്തില്‍ ഖബറടക്കി.