‘നോട്ടുപിന്‍വലിക്കല്‍’ ചര്‍ച്ചാ സമ്മേളനവും  കെ.സി. പിള്ള അനുസ്മരണവും

കുവൈത്ത് സിറ്റി: കേരള അസോസിയേഷന്‍ കുവൈത്ത് ഫഹാഹീല്‍ സൂഖ് സബാ കോഹിന്നൂര്‍ ഹാളില്‍ കെ.സി. പിള്ള അനുസ്മരണവും ‘നോട്ടു പിന്‍വലിക്കല്‍ അമ്പതു നാളിനോടടുക്കുമ്പോള്‍’ എന്ന വിഷയത്തില്‍ ചര്‍ച്ചാ സമ്മേളനവും സഘടിപ്പിച്ചു. ഇന്ത്യന്‍ കമ്യൂണിസ്റ്റ് പാര്‍ട്ടിയുടെ സംസ്ഥാന അസിസ്റ്റന്‍റ് സെക്രട്ടറി, സി.പി.ഐ സംസ്ഥാന കണ്‍ട്രോള്‍ കമീഷന്‍ ചെയര്‍മാന്‍, കൊല്ലം ജില്ലാ സെക്രട്ടറി, എല്‍.ഡി.എഫ് കൊല്ലം ജില്ലാ കണ്‍വീനര്‍, ദീര്‍ഘകാലം കരുനാഗപ്പള്ളി താലൂക്ക് സെക്രട്ടറി എന്നീ സ്ഥാനങ്ങള്‍ വഹിച്ചിരുന്ന  കെ.സി പിള്ളയെ അനുസ്മരിച്ചു. രാജീവ് ജോണ്‍ അധ്യക്ഷത വഹിച്ചു. രാജീവന്‍ പിള്ള അനുസ്മരണ പ്രമേയം അവതരിപ്പിച്ചു. മാസി കൃഷ്ണ, ഹരികുമാര്‍, കെ.ആര്‍. മോഹനന്‍, ആനന്ദന്‍ പിള്ള, പ്രവീണ്‍ നന്തിലത്ത് എന്നിവര്‍ സംസാരിച്ചു. ജയകുമാര്‍ നന്ദി പറഞ്ഞു. ചര്‍ച്ചാ സമ്മേളനത്തില്‍ വിനോദ് വലൂപ്പറമ്പില്‍ മോഡറേറ്ററായിരുന്നു. വിവിധ സംഘടനാ നേതാക്കളായ സത്താര്‍ കുന്നില്‍, ശ്രീലാല്‍ എന്നിവര്‍ ചര്‍ച്ചയില്‍ പങ്കെടുത്തു.