മലയാളി പള്ളിയില്‍  കുഴഞ്ഞുവീണ് മരിച്ചു

കുവൈത്ത് സിറ്റി: കുവൈത്തില്‍ പള്ളിയില്‍ നമസ്കാരത്തിനത്തെിയ മലയാളി ഹൃദയസ്തംഭനത്തെ തുടര്‍ന്ന് കുഴഞ്ഞുവീണ് മരിച്ചു. കണ്ണൂര്‍ ചിറയ്ക്കല്‍ പുതിയ തെരുവ് പുന്നാങ്കീല്‍ അബ്ദുല്‍ ശിഹാബുദ്ദീന്‍ (42) ആണ് മരിച്ചത്.
 ചൊവ്വാഴ്ച വൈകീട്ട് അഞ്ചോടെ സാല്‍മിയയിലെ മസ്ജിദിലാണ് സംഭവം. ദേഹാസ്വസ്ഥ്യം അനുഭവപ്പെട്ട ശിഹാബുദ്ദീനെ ഉടന്‍ മുബാറകിയയിലെ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. കെ.കെ.എം.എ സാല്‍മിയ ബ്രാഞ്ച് കമ്മിറ്റി അംഗമാണ്. ഒരുമാസം മുമ്പാണ് അവധിക്ക് നാട്ടില്‍ പോയിവന്നത്. 
ഭാര്യ: റഷീദ. രണ്ട് മക്കളുണ്ട്. സഹോദരന്‍ നാസര്‍ കുവൈത്തിലുണ്ട്.