സൗജന്യ താല്‍ക്കാലിക വാട്ടര്‍ തീം പാര്‍ക്കുമായി മന്ത്രാലയം

കുവൈത്ത് സിറ്റി: രാജ്യത്തെ ടൂറിസം മേഖലക്ക് കരുത്തുപകരാന്‍ വാര്‍ത്താ വിതരണ മന്ത്രാലയം താല്‍ക്കാലിക വാട്ടര്‍ തീം പാര്‍ക്ക് ആരംഭിച്ചു.
ഫഹാഹീല്‍ അല്‍കൂത്ത് മാളിനടുത്ത കടലോരത്താണ് പാര്‍ക്ക് തുറന്നത്. ആഗസ്റ്റ് 17 മുതല്‍ സെപ്റ്റംബര്‍ 30 വരെ രാവിലെ 10 മുതല്‍ 6.30 വരെ കുടുംബസമേതം പാര്‍ക്കില്‍ ഉല്ലസിക്കാം. പ്രവേശഫീസ് ഏര്‍പ്പെടുത്തിയിട്ടില്ല്ള. വാരാന്ത്യങ്ങളിലും ബലിപെരുന്നാള്‍ സമയത്തും വൈകുന്നേരങ്ങളില്‍ സംഗീതവിരുന്നുണ്ടാവും. വാര്‍ത്താവിതരണ മന്ത്രാലയത്തിലെ ടൂറിസം സെക്ടര്‍ അസിസ്റ്റന്‍റ് അണ്ടര്‍ സെക്രട്ടറി ജാസിം അല്‍ ഹബീബ് അറിയിച്ചതാണിക്കാര്യം.
ഇതൊരു തുടക്കം മാത്രമാണെന്നും വിനോദസഞ്ചാരമേഖല ശക്തിപ്പെടുത്താന്‍ നിരവധി പദ്ധതികള്‍ നടപ്പാക്കുമെന്നും അദ്ദേഹം കൂട്ടിച്ചേര്‍ത്തു. ഈ സീസണില്‍ തന്നെ 200 വേനല്‍കാല പരിപാടികള്‍ ഉണ്ടാവും. അതിനുശേഷം തണുപ്പുകാല പരിപാടികള്‍ക്ക് തുടക്കമാവും.
പാര്‍ക്കിലത്തെുന്നവരുടെ സുരക്ഷക്കായി ലൈഫ് ഗാര്‍ഡ്, പാരാമെഡിക്കല്‍ ടീം, അഗ്നിശമന വിഭാഗം, മുങ്ങല്‍ വിദഗ്ധര്‍ എന്നിവ ഏര്‍പ്പെടുത്തിയിട്ടുണ്ടെന്നും അദ്ദേഹം പറഞ്ഞു.