വാഹനമോഷണ കേസുകളിലെ രണ്ടു പ്രതികള്‍ പിടിയില്‍

കുവൈത്ത് സിറ്റി: രാജ്യത്തിന്‍െറ വിവിധ ഭാഗങ്ങളില്‍ വാഹനമോഷണം പതിവാക്കിയ രണ്ടുപേരെ പൊലീസ് കസ്റ്റഡിയിലെടുത്തു.
 19 ഓളം മോഷണ കേസുകളില്‍ പ്രതികളായതിനുശേഷം അധികൃതര്‍ക്ക് പിടികൊടുക്കാതെ ഒളിവില്‍ കഴിഞ്ഞുവരുകയായിരുന്ന സ്വദേശി യുവാക്കളാണ് പിടിയിലായത്. രഹസ്യവിവരം ലഭിച്ചതിന്‍െറ അടിസ്ഥാനത്തില്‍ കഴിഞ്ഞദിവസം സുലൈബിയയില്‍നിന്നാണ് ഇവരെ കസ്റ്റഡിയിലെടുത്തത്. പൊലീസിനെ കണ്ട് വാഹനമോടിച്ച് രക്ഷപ്പെടാന്‍ ശ്രമിച്ചെങ്കിലും പൊലീസ് പിന്തുടര്‍ന്ന് പിടികൂടുകയായിരുന്നു. ഇവരുടെ വാഹനത്തില്‍ നടത്തിയ പരിശോധനയില്‍ നിരവധി തിരകള്‍, മദ്യം, മയക്കുമരുന്ന് എന്നിവ പൊലീസ് കണ്ടെടുത്തു.
തുടര്‍നടപടികള്‍ക്കായി ഇവരെ പ്രത്യേക വിഭാഗത്തിന് കൈമാറി.