ട്രാസ്ക് സ്വാതന്ത്ര്യദിനം ആഘോഷിച്ചു 

കുവൈത്ത് സിറ്റി: ഭാരതത്തിന്‍െറ 70ാം സ്വാതന്ത്ര്യദിനം തൃശൂര്‍ അസോസിയേഷന്‍ ഓഫ് കുവൈത്തിന്‍െറ നേതൃത്വത്തില്‍ ആഘോഷിച്ചു. ഇന്ത്യന്‍ എംബസിയില്‍ നടന്ന സ്വാതന്ത്ര്യദിനാഘോഷത്തില്‍ ട്രാസ്ക്കിന്‍െറ കളിക്കളം കുട്ടികള്‍ ദേശഭക്തിഗാനം അവതരിപ്പിച്ചു. തുടര്‍ന്ന്, വൈകീട്ട് അബ്ബാസിയ റിഥം ഹാളില്‍ നടന്ന ആഘോഷ പരിപാടികളില്‍ ആക്റ്റിങ് പ്രസിഡന്‍റ് സുഗുണനാഥ് സ്വാതന്ത്ര്യദിന സന്ദേശം നല്‍കി. വനിതാവേദി ജനറല്‍ കണ്‍വീനര്‍ അംബിക മുകുന്ദന്‍, ട്രഷറര്‍ ഹരി കുളങ്ങര, കളിക്കളം കോഓഡിനേറ്റര്‍  റൊണാള്‍ഡ് ഫ്രാങ്ക് എന്നിവര്‍ സംസാരിച്ചു. വിവിധ ഏരിയകളുടെ നേതൃത്വത്തില്‍ ദേശഭക്തിഗാനാലാപനവും കുട്ടികള്‍ക്ക് ക്വിസ് മത്സരവും ഉണ്ടായിരുന്നു. ജോയന്‍റ് സെക്രട്ടറിമാരായ  ബിജു കടവി, ജോസഫ്, ജോയന്‍റ് ട്രഷറര്‍ ജിവാസ് എന്നിവര്‍ പരിപാടികള്‍ക്ക് നേതൃത്വം നല്‍കി. ജനറല്‍ സെക്രട്ടറി അജയകുമാര്‍ സ്വാഗതവും ആര്‍ട്സ് കണ്‍വീനര്‍ രാജേഷ് നന്ദിയും പറഞ്ഞു.