ഐ.എസ് ഭീഷണി: പാലസ് ഓഫ് ജസ്റ്റിസിന്‍െറ സുരക്ഷ ശക്തമാക്കി

കുവൈത്ത് സിറ്റി: ഐ.എസ് ഭീഷണിയെ തുടര്‍ന്ന് കുവൈത്ത് സിറ്റിയിലെ പാലസ് ഓഫ് ജസ്റ്റിസിന്‍െറ സുരക്ഷ ശക്തമാക്കിയതായി റിപ്പോര്‍ട്ട്. 
നീതിന്യായ മന്ത്രാലയ വൃത്തങ്ങളെ ഉദ്ധരിച്ച് ‘അല്‍ ജരീദ’ പത്രമാണ് ഇക്കാര്യം റിപ്പോര്‍ട്ട് ചെയ്തത്. ഇമാം സാദിഖ് ചാവേര്‍ ആക്രമണക്കേസ് പ്രതികള്‍ക്ക് വധശിക്ഷ വിധിച്ച ജഡ്ജിമാര്‍ക്കെതിരെ ആക്രമണം നടത്തുമെന്ന് ഐ.എസ് അനുകൂല വെബ് സൈറ്റുകളില്‍ ഭീഷണി വന്നതിനെ തുടര്‍ന്നാണ് സുരക്ഷ ശക്തമാക്കിയതെന്ന് റിപ്പോര്‍ട്ടില്‍ പറയുന്നു. നീതിന്യായ മന്ത്രാലയത്തിലെയും ആഭ്യന്തരമന്ത്രാലയത്തിലെയും ഉന്നത ഉദ്യോഗസ്ഥര്‍ യോഗം ചേര്‍ന്നാണ് ജഡ്ജിമാരുടെയും കോടതി സമുച്ചയത്തിന്‍െറയും സംരക്ഷണം ഉറപ്പാക്കാനുള്ള തീരുമാനങ്ങള്‍ കൈക്കൊണ്ടത്.