പ്രവാസി പ്രതിഭ പുരസ്കാര ജേതാവ്  ഷറഫുദ്ദീന്‍ കണ്ണേത്തിനെ ആദരിച്ചു

കുവൈത്ത് സിറ്റി: ഇന്ത്യന്‍ പ്രവാസി ലീഗല്‍ സൊസൈറ്റിയുടെ ഈ വര്‍ഷത്തെ മികച്ച സാമൂഹിക പ്രവര്‍ത്തകനുള്ള പ്രവാസി പ്രതിഭ പുരസ്കാര ജേതാവായ കെ.എം.സി.സി മുന്‍ പ്രസിഡന്‍റും പ്രവാസി ക്ഷേമനിധി ബോര്‍ഡ് ഡയറക്ടറുമായ ഷറഫുദ്ദീന്‍ കണ്ണേത്തിനെ കുവൈത്ത് കെ.എം.സി.സി വാര്‍ഷികാഘോഷത്തിന്‍െറ ഉദ്ഘാടന വേദിയില്‍ പാണക്കാട് മുനവ്വറലി ശിഹാബ് തങ്ങള്‍ പൊന്നാടയണിയിച്ച് ആദരിച്ചു. ആഗസ്റ്റ് ഒമ്പതിന് തിരുവനന്തപുരത്ത് നടന്ന ചടങ്ങില്‍ കേരള വനം മന്ത്രി അഡ്വ. കെ. രാജുവില്‍നിന്നാണ് അദ്ദേഹം അവാര്‍ഡ് ഏറ്റുവാങ്ങിയത്.
 പ്രശസ്തിപത്രം മുന്‍ മന്ത്രി എം.എം. ഹസ്സന്‍ കൈമാറി.