ശുവൈഖ് തുറമുഖത്ത് വീണ്ടും വന്‍ മയക്കുമരുന്ന് വേട്ട

കുവൈത്ത് സിറ്റി: ശുവൈഖ് തുറമുഖത്തുനിന്ന്  11 മില്യന്‍ അമേരിക്കന്‍ ഡോളര്‍ വിലമതിക്കുന്ന മയക്കുമരുന്ന് ഗുളികകളുടെ ശേഖരം പിടികൂടി. യൂറോപ്യന്‍ രാജ്യമായ യുക്രെയ്നില്‍നിന്ന് തുറമുഖത്തത്തെിയ കപ്പലില്‍ കരിയുടെ കീസുകള്‍ക്കുള്ളിലൊളിപ്പിച്ചാണ് മയക്കുമരുന്ന് കടത്താന്‍ ശ്രമം നടത്തിയത്.
ആഭ്യന്തര വകുപ്പിന് ലഭിച്ച രഹസ്യ വിവരത്തിന്‍െറ അടിസ്ഥാനത്തില്‍ നടത്തിയ പരിശോധനയിലാണ് കപ്പലിലെ രണ്ട് കണ്ടെയ്നറുകളിലെ കരിച്ചാക്കുകള്‍ക്കിടയില്‍നിന്ന് ഇവ കണ്ടെടുത്തത്.
സംഭവവുമായി  ബന്ധപ്പെട്ട് ഒരു സൗദി വംശജനും സിറിയക്കാരനും പിടിയിലായിട്ടുണ്ട്. അന്താരാഷ്ട്ര ബന്ധമുള്ള മയക്കുമരുന്ന് ലോബിയിലെ കണ്ണികളായ ഇവര്‍ രാജ്യത്തെ മയക്കുമരുന്ന് വില്‍പനക്കാര്‍ക്ക് സാധനങ്ങള്‍ എത്തിച്ചുകൊടുക്കുന്ന ഏജന്‍റുമാരാണെന്നാണ് നിഗമനം. കൂടുതല്‍ ചോദ്യം ചെയ്യുന്നതിനായി ഇവരെ പ്രത്യേക വിഭാഗത്തിന് കൈമാറി.