ബില്‍ കുടിശ്ശിക തീര്‍ത്തില്ളെങ്കില്‍ ടെലിഫോണ്‍ കണക്ഷന്‍ വിച്ഛേദിക്കും

കുവൈത്ത് സിറ്റി: ലാന്‍ഡ് ഫോണ്‍ ബില്‍ കുടിശ്ശിക വരുത്തിയവര്‍ ഉടന്‍ അടച്ചുതീര്‍ത്തില്ളെങ്കില്‍ കണക്ഷന്‍ വിച്ഛേദിക്കുമെന്ന് ടെലികമ്യൂണിക്കേഷന്‍ മന്ത്രാലയം. കുടിശ്ശിക അടച്ചുതീര്‍ക്കാത്ത വരിക്കാരുടെ ഫോണ്‍ കണക്ഷന്‍ ഈമാസം 21ന് ശേഷം ഏതുസമയവും വേര്‍പ്പെടുത്തുമെന്നാണ് മുന്നറിയിപ്പ്.
അതിനുമുമ്പ് രണ്ടുതവണ മുന്നറിയിപ്പ് സന്ദേശം നല്‍കും. ആദ്യ സന്ദേശം ഈ ഞായറാഴ്ചയുണ്ടാവും. രണ്ടാം സന്ദേശം 21ന് ലഭിക്കും. എന്നിട്ടും അടക്കാത്തവരുടെ കണക്ഷനാണ് റദ്ദാക്കുക. ഇങ്ങനെ വിച്ഛേദിക്കപ്പെട്ട കണക്ഷന്‍ പുന$സ്ഥാപിക്കണമെങ്കില്‍ വീടുകളിലേതാണെങ്കില്‍ 50 ദീനാറും വാണിജ്യസ്ഥാപനങ്ങളുടേതാണെങ്കില്‍ 100 ദീനാറും പിഴ ഒടുക്കേണ്ടിവരും. ടെലി കമ്യൂണിക്കേഷന്‍ മന്ത്രാലയത്തിന്‍െറ പ്രത്യേക വൈബ്സൈറ്റ് വഴി വരിസംഖ്യയും പിഴയും അടക്കാനുള്ള സംവിധാനമുണ്ടെന്നും അധികൃതര്‍ അറിയിച്ചു. കൂടുതല്‍ വിവരങ്ങള്‍ക്ക് 123 എന്ന മന്ത്രാലയത്തിന്‍െറ ഹോട്ട്ലൈനില്‍ ബന്ധപ്പെടാമെന്നും അധികൃതര്‍ അറിയിച്ചു.